30ສ່ວນຮ້ອຍ ເດັກນ້ອຍ ໃນແຂວງຫົວພັນ ບໍ່ໄດ້ເຂົ້າ ໂຮງຮຽນ

ເດັກນ້ອຍ ຢູ່ແຂວງຫົວພັນ ເຖິງ30ສ່ວນຮ້ອຍ ບໍ່ໄດ້ຮຽນໜັງສື ຍ້ອນໂຮງຮຽນຢູ່ໄກ ແລະ ທຸກຍາກຂາດເຂີນ ຈຳເປັນຕ້ອງ ເຮັດວຽກຊ່ວຍພໍ່ແມ່.
ອາວະຣີ
2009.09.29

ເຈົ້າໜ້າທີ່ຜແນກ ສຶກສາແຂວງຫົວພັນ ເວົ້າວ່າ:

“ບັນຫານີ້ກໍຍັງ ຫລາຍຢ່າງຢູ່ ສິ່ງສຳຄັນບັນຫາ ເຣື້ອງການດ້ອຍໂອກາດ ທາງດ້ານເສຖກິດ ປະຊາຊົນຂະເຈົ້າ ຍັງບໍ່ທັນພຽງພໍ ເຣື້ອງການອຸດໜູນ ການສຶກສາ ມັນເປັນ ພູມີສັນຖານ ທີ່ພູຜາປ່າດົງຫລາຍ ບ້ານຫ່າງໄກ ສອກຫລີ ມັນມີອຸປສັກ ໂຕນີ້ບັນຫາ ເຣື້ອງການເອົາໃຈໃສ່ ໃນການຮ່ຳຮຽນ.”

ເຈົ້າໜ້າທີ່ການ ສຶກສາແຂວງຫົວພັນ ອະທິບາຍຕື່ມວ່າ ສາເຫດໃຫຍ່ ທີ່ພາໃຫ້ເດັກນ້ອຍ ບໍ່ໄປໂຮງຮຽນ ກໍແມ່ນຍ້ອນ ໂຮງງານຢູ່ໄກ ດັ່ງທ່ານໄດ້ເວົ້າວ່າ:

“ເພາະວ່າມັນຈະເປັນ ບ້ານນ້ອຍຫ່າງໄກ ສອກຫລີກ ມັນຈະຫ່າງໄກ ຈາກໂຮງຮຽນ ການທຽວໄປຮຽນ ມັນຈະພົບຄວາມ ຫຍຸ້ງຍາກ ເພາະວ່າມັນຈະ ເປັນທາງຍ່າງ ຝົນຕົກນ້ຳລິນມັນ ຈະພົບອຸປສັກຫລາຍ ເຂົາເດີນຍ່າງໄປ ປະມານມີບາງບ້ານ ກໍເປັນ2-3ກິໂລ ຄັ້ນຊັ້ນແລ້ວມັນ ຈິ່ງເປັນໂອກາດ ທີ່ໃຫ້ການຮ່ຳຮຽນ ຈະບໍ່ສມ່ຳສເມີ.”

ໃນລະຍະສອງສາມ ປີທີ່ຜ່ານມາ ໂຄງການອາຫານໂລກ ໄດ້ໃຫ້ການຊ່ວຍເຫລືອ ທາງດ້ານອາຫານ ໃຫ້ແກ່ເດັກນ້ອຍ ຜູ້ທຸກຍາກໃນ ເຂດພາກເໜືອ ຂອງລາວ ເພື່ອເດັກນ້ອຍຈະ ໄດ້ໄປໂຮງຮຽນ ປັດຈຸບັນ ໂຄງການດັ່ງກ່າວ ໄດ້ຂຍາຍໄປເຖິງ ພາກໃຕ້ ຂອງລາວແລ້ວ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.