ໂຄງກາຣພັທນາ ເສຖກິຈ-ສັງຄົມ

ທະນາຄາຣ ພັທນາ ເອເຊັຽ ໃຫ້ຄວາມຮ່ວມມື ກັບ ສປປລາວ ໃນໂຄງກາຣ ພັທນາ ເສຖກິຈ-ສັງຄົມ
ຫວາດ ສີມູນ
2010-02-24
ອີແມວລ໌
ຄໍາເຫັນ
Share
ພິມ

ເຈົ້າໜ້າທີ່ ສປປລາວ ແລະ ທະນາຄາຣ ພັທນາເອເຊັຽ ຫລື ADB ໄດ້ຮ່ວມປະຊຸມ ກັນຢູ່ ນະຄອນຫລວງ ວຽງຈັນໃນທີ່ 22 ກຸມພາ ນີ້ ເພື່ອພິຈາຣະນາ ແຜນຍຸທສາຕ ກາຣພັທນາ ເສຖກິຈ ແລະສັງຄົມ ຂອງປີ 2012-1016 ຊຶ່ງທາງ ທະນາຄາຣ ໃຫ້ກາຣຢືນຢັນ ທີ່ຈະສືບຕໍ່ ໃຫ້ຄວາມຮ່ວມມື ໃນຫລາຍດ້ານ ດັ່ງທີ່ເຄີຽໄດ້ ປະຕິບັຕ ມາໃນເມື່ອກ່ອນ.

ໃນຂະນະ ດຽວກັນນັ້ນ ທາງເຈົ້າໜ້າທີ່ ຕາງໜ້າ ທະນາຄາຣ ພັທນາເອເຊັຽ ຍັງໄດ້ເນັ້ນໃຫ້ ທາງກາຣລາວ ມີກາຣປັບປຸງ ແຜນປະຕິບັຕ ຕາມໂຄງກາຣ ພັທນາຕ່າງໆ ຂອງລາວ ໃນອະນາຄົຕ ຊຶ່ງໂຄງກາຣ ທັງໝົດ ໂດຽສະເພາະ ແຜນກາຣພັທນາ ເສຖກິຈ ແລະສັງຄົມ ຣະຍະ 5 ປີ ຈະຕ້ອງໄດ້ຜ່ານ ຄວາມເຫັນຊອບ ຈາກທາງ ທະນາຄາຣ ພາຍຫລັງທີ່ ໄດ້ຮັບຜ່ານກາຣ ໃຫ້ສັຕຍາບັນ ຈາກທາງ ສະພາແຫ່ງຊາຕ ຂອງລາວ ເປັນທີ່ຮຽບຮ້ອຍ ແລ້ວນັ້ນ.

ຢ່າງໃດກໍຕາມ ທະນາຄາຣ ພັທນາ ເອເຊັຽ ເປັນຜູ້ທີ່ ໃຫ້ທຶນກາຣ ຊ່ວຍເຫລືອລາວ ຫລາຍທີ່ສຸດ ບໍ່ຕໍ່າກວ່າ 475 ລ້ານດອລລາຣ໌ ສະຫະຣັຖ ໃນຣະຍະ 5 ປີ ທີ່ຜ່ານມາ ແລະ ຍັງໃຫ້ກາຣ ສນັບສນູນ ໂຄງກາຣພັທນາ ຕ່າງໆຕື່ມອີກ 45 ໂຄງກາຣ ທີ່ຕົກເປັນ ມູລຄ່າທັງໝົດ ກວ່າ 345 ລ້ານດອລລາຣ ແລະ ໃນຈຳນວນ ດັ່ງກ່າວ ກໍໄດ້ຮັບຜ່ານ ຄວາມເຫັນພ້ອມ ໄປແລ້ວ ໃນມູລຄ່າ ກາຣກູ້ຢືມ ປະມານ 60 ລ້ານດອລລາຣ໌.

ເຕັມຫນ້າ