ອອສເຕຣເລັຍຈະຊ່ວຍເຫຼືອ ເອເຊັຽສ່ຽງໃຕ້

ອອສເຕຣເລັຍ ສັນຍາ ວ່າຈະໃຫ້ ການຊ່ວຍເຫລືອ 129 ລ້ານໂດລາ ສະຫະຣັດ ໃນການປັບປຸງ ໂຄງຮ່າງພື້ນຖານ ໃນປະເທດ ທີ່ທຸກຍາກ ທີ່ສຸດ ຢູ່ເອເຊັຍ ຕາເວັນອອກ ສ່ຽງໃຕ້.
ຈໍາປາທອງ
2010-11-01
Share

ກົດຟັງສຽງ

ມາດາມ Julia Gillard ນາຍົກ ຣັຖມົນຕຣີ ອອສເຕຣເລັຍ ທີ່ໄປຢ້ຽມຢາມ ຂົງເຂດນີ້ ຄັ້ງທຳອິດ ໄດ້ປະກາດ ເຖິງການທີ່ ຈະໃຫ້ຄວາມ ຊ່ວຍເຫລືອນັ້ນ ໃນຣະຫວ່າງ ກອງປະຊຸມ ສຸດຍອດ ກັບ ປະທານາທິບໍດີີ ແລະ ນາຍົກ ຣັຖມົນຕຣີ ຈາກ 10 ປະເທດ ສະມາຊິກ ສະມາຄົມ ບັນດາ ປະເທດ ເອເຊັຍ ຕາເວັນອອກ ສ່ຽງໃຕ້ ຫລື ອາຊຽນ. ມາດາມວ່າ ກອງທຶນ ດັ່ງກ່າວ ຈະໃຊ້ເຂົ້າ ໃນໂຄງການ ທາງດ້ານ ຖນົນຫົນທາງ, ທາງຣົດໄຟ ແລະ ໂຄງການອື່ນໆ.

ອົງການ ຄ້າຢູໂຣບ ຄາດຄະເນວ່າ ວຽດນາມ ປະເທດດຽວ ຕ້ອງການການ ລົງທຶນ ກໍ່ສ້າງໂຄງຮ່າງ ພື້ນຖານ ເຊັ່ນ ທ່າກຳປັ່ນ ແລະ ຖນົນຫົນທາງ ພາຍໃນ 5 ປີ ເຖິງ 10 ປີ ຂ້າງໜ້າ ປະມານ 70 ຫາ 80,000 ລ້ານໂດລາ. ປະເທດລາວ, ກຳພູຊາ, ພະມ້າ ແລະ ວຽດນາມ ມີປວັດ ການເຕີບໂຕ ທາງດ້ານເສຖກິດ ຂຍາຍຕົວສູງ. ແຕ່ວ່າປະເທດ ເຫລົ່ານີ້ ຍັງເປັນປະເທດ ທີ່ມີ ຕົວເລກ ຜົນຜລິດ ລວມຍອດ ພາຍໃນ ຄິດໄລ່ໃສ່ ຫົວຄົນ ຍັງຕໍ່າທີ່ສຸດ ຖ້າທຽບໃສ່ ປະເທດ ສະມາຊິກ ອາຊຽນອື່ນໆ.

ບັນດາຜູ້ນຳ ປະເທດ ເອເຊັຍ ຕາເວັນອອກ ສ່ຽງໃຕ້ ໄດ້ຖືກເຕືອນ ເຖິງຊ່ອງຫວ່າງໃຫຍ່ ຣະຫວ່າງ ປະເທດທີ່ ທຸກຍາກທີ່ສຸດ ແລະ ປະເທດທີ່ ຮັ່ງມີທີ່ສຸດ ໃນຂົງເຂດ ທີ່ກຳລັງ ຂຍາຍຕົວຢູ່ ໃນປັດຈຸບັນ ອັນຈະເປັນ ສິ່ງກີດຂວາງ ຕໍ່ການ ທີ່ຈະສ້າງ ອາຊຽນ ໃຫ້ເປັນຕລາດ ອັນດຽວ ທີ່ມີ ປະຊາກອນ ຫລາຍກວ່າ 600 ລ້ານຄົນ ໃນປີ 2015.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ