ໜຸ່ມນ້ອຍ ແຂວງຈໍາປາສັກ ນິຍົມ ດົມກາວ

ເຈົ້າໜ້າທີ່ ຕໍ່ຕ້ານ ຢາເສບຕິດ ໃນແຂວງຈໍາປາສັກ ວ່າ ເດັກນ້ອຍໄວລຸ້ນ ລະຫ່ວາງ 15-16 ປີ ຢູ່ໃນແຂວງຈໍາປາສັກ ນິຍົມກັນ ດົມກາວຢາງຣົຖ. ອັນນີ້ ໄດ້ສ້າງ ບັນຫາສັງຄົມ ອີກບັນຫາໃໝ່ ຢູ່ໃນແຂວງ.
ສົມເນ ຣາຍງານ
2008-09-18
ອີແມວລ໌
ຄໍາເຫັນ
Share
ພິມ
ຫລັງຈາກ ເຈົ້າໜ້າທີ່ ຈັບໄດ້ແລ້ວ ແລະສົ່ງຕໍ່ໃຫ້ພໍ່ແມ່ ຂອງເຂົາເຈົ້າ ອົບຮົມ-ສັ່ງສອນ,ແຕ່ໄວລຸ້ນ ກໍຍັງສືບຕໍ່ ພາກັນ ດົມກາວ ອັນເຮັດໃຫ້ ສຸຂະພາບ ທາງຮ່າງກາຍ ແລະ ປະສາດ ຂອງເຂົາເຈົ້າ ຊື່ເສັຍ:

ກໍຍັງມີ ບັນຫາໃໝ່ ບ່ອນວ່າ ເດັກນ້ອຍ ອາຍຸປະມານ 15-16 ປີນີ້ແລະ ເຂົາເຈົ້າ ດົມກາວ ທາຢາງຣົຖ. ມັນສີ່ ເປັນຣົຖນິຍົມ ແນວໃດກ່າບໍ່ເຂົ້າໃຈ ແຕ່ວ່າ ສ່ວນຫລາຍ ມັນກໍຢູ່ ໃນກຸ່ມໄວລຸ້ນ ອີ່ສັງຕ່າງໆນີ້ແຫລະ.”

ເຈົ້າໜ້າທີ່ ລາວວ່າ ເມື່ອພົບເຫັນ ເດັກນ້ອຍດົມກາວ ຜູ້ທີ່ມີ ສຸຂະພາບ ດ້ານປະສາດເຊື່​ອເສັຽ ແດ່ແລ້ວ ກໍແຈ້ງ ຕໍ່ຜູ້ປົກຄອງ ແລະ ຄູສອນໂຮງຮຽນ ເພື່ອໃຫ້ນໍາ ເອົາເດັກ ໄປປິ່ນປົວ ຊື່ງການປິ່ນປົວນັ້ນ ໂດຍມາກກໍ​ໃຊ້ເວລາ ປະມານ 90 ວັນ:

ແຕ່ວ່າ ທາງວິຊາການແພດ ຂອງເຮົາ ກໍມີຄວາມຈໍາເປັນຢູ່ ເພາະວ່າ ສໍາລັບຢານໍາ​ໃຊ້ ປິ່ນປົວພວກດົມກາວ ມັນກໍຍັງ ບໍ່ທັນມີເທື່ອ. ສ່ວນຫລາຍແລ້ວ ເຮົາກໍປົວໄປຕາມ ອາການ ຂອງການສະແດງອອກຂອງຜູ້ປ່ວຍ ຄືວ່າ ຄ້າຍໆໂຣກຈິດ ເຮົາກໍປົວໄປ ຕາມອາການ ຂອງມັນ ທີ່ສະແດງອອກ.

ຄົນຕິດຢາເສບຕິດ ປະເພດດົມກາວທາຢາງຣົຖ ນີ້ ກໍຄືກັນກັບ ຕິດຢາເສບຕິດ ປະເພດອື່ນໆ. ເມື່ອສູບເອົາກິ່ນຢາງກາວເຂົ້າໄປແລ້ວ ເຮັດໃຫ້ເຂົາເຈົ້າ ມີຄວາມຮູ້ສືແບບບໍ່ຫ່ວງ ບໍ່ໃຍ ນໍາອີ່ຫຍັງໝົດ,ແຕ່ວ່າ ຜົນສະທ້ອນຈາກດົມກາວນີ້ ກໍຄື ເຮັດໃຫ້ ສະໝອງ​​ຊື່​ອມເສັຽ ກາຍເປັນຄົນເສັຽຈິດ ສຸຂະພາບອອ່ນແອ ບໍ່ມັກເຮັດວຽກ ເຮັດງານ. ທາງການລາວ ກໍວ່າ​ ​ເຣື້ອງນີ້ ໄດ້ປືກສາ ກັບພໍ່ແມ່ ຂອງເດັກນ້ອຍທີ່ຕິດດົມກາວ ນີ້ອດ ເພາະວ່າ ມັນສ້າງບັນຫາ​​ ໃຫ້ຄອບຄົວ ແລະ ໃຫ້ສັງຄົມ.

ເຕັມຫນ້າ