ຕລາດຫຼັກຊັພໄທ ສົ່ງເສີມລາວ

ຕາມລາຍງານ ໜັງສືພິມ ອອນລາຍ ມອນໂດວີຊີອອນ ທີ່ອ້າງຕາມການ ເປີດເຜີຽຂອງທ່ານ ຈາຣໍາພອນ  ໂຊຕິກັດທິຣາ ປະທານ  ຕລາດຫລັກຊັພໄທ. ລາຍງານວ່າ ເອກກະສານ ຄວາມເຂົ້າໃຈກັນ ສະບັບນີ້ ເປັນສະບັບທີສອງ ທີ່ໄທແລະລາວ ໄດ້ລົງນາມກັນ. ພາຍໄຕ້ເອກກະສານ ຄວາມເຂົ້າໃຈ ສະບັບໃໝ່ນີ້ ຈະອະນຸຍາດໃຫ້ ຕລາດຫລັກຊັພ ຂອງໄທແລະລາວ ຮ່ວມມືກັນຕື່ມອີກ 2 ປີ ຫລັງຈາກທີ່ ໄທ ໄດ້ຮ່ວມມືກັບລາວ ແລະຊ່ວຍເຫລືອລາວ ຕັ້ງຕລາດຫລັກຊັພ ນີ້ຂື້ນຈົນໄດ້.

ຕາມສັນຍານີ້ ໄທຈະຊ່ວຍເຫລືອລາວ ຕັ້ງຕລາດກອງທຶນ ແລະ ສືບຕໍ່ວຽກງານຕ່າງໆ ທີ່ໄດ້ລົງນາມ ໃນເອກກະສານ ສະບັບທໍາອິດ ທີ່ໄດ້ເຊັນກັນ ໃນວັນທີ 7 ເດືອນກໍຣະກະດາ ປີ 2008. ຕລາດຫລັກຊັບໄທ ຈະຊ່ວຍເຫລືອຝຶກແອບ ພະນັກງານ ຕລາດຫລັກຊັບລາວ ຈັດຕັ້ງການສອນ ວິຊາການລົງທຶນ ສໍາລັບ ພະນັກງານອາຊີບ ການແລກປ່ຽນຫຸ້ນ ຮ່ວມທັງຈັດຕັ້ງ ສະຖາບັນຕລາດ ກອງທືນຂອງລາວ ເພື່ອພັທນານັກຊ່ຽວຊານ ການລົງທຶນສໍາລັບ ພະນັກງານອາຊີບ ການແລກປ່ຽນຫຸ້ນ, ນັກສືກສາ ແລະ ປະຊາຊົນ ທົ່ວໄປ.

ນອກນັ້ນ ເອກກະສານ ສະບັບນີ້ຍັງ ຈະສົ່ງເສີມໂອກາດ ການລົງທຶນລະຫ່ວາງ ຕລາດຫລັກຊັພ ຂອງສອງແຫ່ງນີ້ ກ່ຽວກັບ ການລົງທະບຽນ ຂອງບໍຣິສັດ ຢູ່ໃນຕລາດຫຸ້ນ ທັງໄທ ແລະລາວ.