ທຶນຈາກຕລາດຫຸ້ນ ຈະຊ່ວຍເສຖກິດລາວ

ລາວ ຕ້ອງການຣະດົມທຶນ ຜ່ານຕລາດຫຸ້ນ ເພື່ອພັທນາ ເສຖກິດ ໃນປະເທດ.
ຈະເຣີນສຸກ
2010-10-12
ອີແມວລ໌
ຄໍາເຫັນ
Share
ພິມ
ກໍາແພງກັນຕາຝັ່ງເຈື່ຶອນ ຕາມແຄມນໍ້າຂອງ ເປັນສ່ວນນຶ່ງ ໃນໂຄງການພັທນາ (ຮູປຖ່າຍ 10-07-2010)
ກໍາແພງກັນຕາຝັ່ງເຈື່ຶອນ ຕາມແຄມນໍ້າຂອງ ເປັນສ່ວນນຶ່ງ ໃນໂຄງການພັທນາ (ຮູປຖ່າຍ 10-07-2010)
Somnet/RFA

ກົດຟັງສຽງ

ສປປລາວ ໄດ້ເປີດຕລາດຫຸ້ນ ແຫ່ງທໍາອິດ ຂອງປະເທດ ຢ່າງເປັນທາງການ ໃນວັນອາທິດຜ່ານມາ ເພື່ອເປັນແຫລ່ງໃຫຍ່ ໃນການຣະດົມທຶນ ສໍາລັບ ໃຊ້ໃນໂຄງການ ແຜນພັທນາ ຕ່າງໆ ຕາມແຜນພັທນາ ເສຖກິດ ແລະ ສັງຄົມ ແຫ່ງຊາດ ສະບັບ ທີ 7 (2010-2015 ຫລື ຕລອດ 5 ປີ ຂ້າງໜ້າ), ເພື່ອຊຸກຍູ້ ໃຫ້ເສຖກິດ ເຕີບໂຕ ປີລະ 8 ສ່ວນຮ້ອຍ ກວ່າໆ.

ໃນມື້ເປີດພິທີ ຕລາດຫລັກຊັພ ຂອງລາວ, ທ່ານ ສົມສວາດ ເລັ່ງສວັດ, ຮອງນາຍົກ ຣັຖມົນຕຣີ ກ່າວໃນຕອນນຶ່ງ ວ່າ:

“ອັນຈະເປັນການ ປະກອບສ່ວນ ແລະ ຣະດົມ ທຶນຮອນ ອັນໃຫຍ່ຫລວງ ສໍາລັບການ ພັທນາສ້າງສາ ປະເທດລາວ ກໍຄື ສໍາລັບ ການສົ່ງເສີມ ການຮ່ວມມື ເພື່ອການ ພັທນາ ແລະ ຕ່າງຝ່າຍ ຕ່າງໄດ້ຮັບຜົນປໂຍດ ຣະຫວ່າງ ສປປລາວ ກັບປະເທດຕ່າງໆ ໃນພາກພື້ນ ແລະ ໃນໂລກ.”

ທ່ານກ່າວ ຕື່ມວ່າ ການເປີດຕລາດ ຫລັກຊັພລາວ ຈະເປັນການດຶງດູດ ກ້ອນທຶນ ໃຫ້ເຂົ້າມາໝູນວຽນ ໃນເສຖກິດລາວ ຫລາຍຂຶ້ນ, ຊຶ່ງເປັນບາດກ້າວ ສໍາຄັນ ທີ່ຈະເຮັດ ໃຫ້ປະເທດຈະເຣີນ ກ້າວໜ້າຍິ່ງຂຶ້ນ. ການພັທນາ ປະເທດຊາດ ຖືວ່າ ເປັນສິ່ງສໍາຄັນ ທີ່ສຸດ ໃນຂນະນີ້ ເພາະວ່າໃນລາວ ຍັງມີຄວາມຕ້ອງການ ເງິນທຶນ ເພື່ອໃຊ້ພັທນາ ປະເທດ ໃນລະຍະ 5-10 ປີ ສູງເຖິງ 10,000 ລ້ານດອນລາ.

ສປປລາວ ເຊື່ອໝັ້ນວ່າ ຕລາດຫຸ້ນ ຈະເປັນກົນໄກ ສໍາຄັນ ທີ່ຈະດຶງດູດ ເງິນຕຣາ ຕ່າງປະເທດ ເຂົ້າໄປໝູນວຽນ ໃນເສຖກິດລາວ ຫລາຍຂຶ້ນ, ໂດຍສະເພາະ ການເຂົ້າໄປ ລົງທຶນ ຊື້ຂາຍຫລັກຊັພ ດ້ານກິິຈການ ພະລັງງານ ແລະ ບໍ່ແຮ່.

ອາຄານ ຕລາດຫລັກຊັພລາວ ເຣີ້ມກໍ່ສ້າງ ເມື່ອເດືອນ ມິຖຸນາ ປີ 2009, ເປັນອາຄານ ສູງ 8 ຊັ້ນ, ຢູ່ແຄມຖນົນ, ກົງກັນຂ້າມສູນປະຊຸມ ແລະ ສະແດງສິນຄ້າ ໄອເທັກ. ທາງການລາວ ໄດ້ຈັດພິທີ ເປີດເປັນທາງການ ເມື່ອວັນທີ 10 ເດືອນ 10  ປີ 2010, ແຕ່ ການເຣີ້ມຊື້ຂາຍ ຢ່າງສົມບູນ ກໍານົດຂຶ້ນ ໃນວັນທີ 11 ເດືອນມົກກະຣາ ປີ 2011.

ເຕັມຫນ້າ