ການສຶກສາ ຂາດຄຸນນະພາບ ຢູ່ລາວ

ສາມສາເຫດ ຕົ້ນຕໍ ທີ່ພາໃຫ້ ການສຶກສາ ຢູ່ ສປປລາວ ບໍ່ມີຄຸນນະພາບ ເທົ່າທີ່ຄວນ.
ຈໍາປາທອງ
2010-06-23
Share

ສາເຫດຕົ້ນຕໍ ສາມຢ່າງ ທີ່ພາໃຫ້ ການສຶກສາ ຢູ່ ສປປລາວ ບໍ່ມີຄຸນນະພາບ ຄື:

1. ຫລັກສູດການຮຽນ ການສອນ ແຕ່ລະຊັ້ນຮຽນ ບໍ່ພຽງພໍ.

2. ພື້ນຖານໂຄງລ່າງ ອຸປະກອນ ແລະເຄື່ອງມື ຍັງຂາດເຂີນ ແລະ

3. ບັນຫາທີ່ເປັນ ຂໍ້ຕັດສິນທຸກຢ່າງ ຄື ບັນຫາຄຣູ ບໍ່ພຽງພໍ

ຕາມຄຳເວົ້າ ຂອງ ທ່ານ ພັນຄຳ ວິພາວັນ ຣັຖມົນຕຣີ ກະຊວງ ສຶກສາທິການ ຕໍ່ກອງປະຊຸມ ສະໃໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ 6 ເມື່ອທ້າຍສັປດາ ຜ່ານມາ. ທ່ານວ່າ ສາເຫດຫລັກທີ່ພາ ໃຫ້ການສຶກສາ ຂອງ ສປປລາວ ຍັງບໍ່ມີ ຄຸນນະພາບ ແມ່ນເກີດຈາກ 3 ສາເຫດທີ່ວ່າມາ. ໃນນັ້ນ ບັນຫາຄຣູ ບໍ່ມີຄວາມຮູ້    ຄວາມສາມາດ ແລະ ເປັນຄຣູດ້ວຍໃຈມັກ ຍັງເປັນຂໍ້ຕັດສິນ ຫລັກຢູ່. 

ດັ່ງນັ້ນ ທາງກະຊວງ ສຶກສາທິການ ຈຶ່ງໄດ້ມີວິທີ ແກ້ໄຂປັບປຸງ ຣະບົບການ ບັນຈຸຄຣູ ໃຫ້ໄດ້ ກ່ອນຣັຖກອນ ຂແນງການອື່ນໆ ແລະໃຫ້ແລ້ວກ່ອນ ການເປີດສົກຮຽນ ໃໝ່ ຂອງທຸກໆປີ; ໄດ້ແບ່ງ ໂຄຕ້ານັກຮຽນ ມາຮຽນວິຊາຄຣູ ໃຫ້ແຕ່ລະທ້ອງຖິ່ນ ໂດຍສະເພາະ ເຂດທີ່ຂາດແຄນຄຣູ ເຂດຮ່າງໄກ, ປັບປຸງຣະບົບ ອາຍຸບຳນານ ຂອງ ຄຣູອາຈານ ເພີ້ມເຕີມ 5 ປີ ໂດຍສະເພາະ ສຳລັບຜູ້ທີ່ມີ ບົດຮຽນ ແລະ ປະສົພການສອນ, ສ້າງສິ່ງຈູງໃຈ ນັກຮຽນຄຣູ ໃຫ້ດີຂຶ້ນກວ່າເກົ່າ ເປັນຕົ້ນໃຫ້ ທຶນການສຶກສາ ແລະວຽກງານອື່ນໆ ເພື່ອເຮັດໃຫ້ຊີວິດ ການເປັນຢູ່ ຂອງຄຣູດີຂຶ້ນ ເທື່ອລະກ້າວ.

ຕາມມາຕຖານ ທົ່ວໄປ ຄຣູອະນຸບານ 1 ຄົນ ຕໍ່ນັກຮຽນ 20 ຄົນ ແຕ່ຢູ່ ສປປລາວ ປັດຈຸບັນ ສເລັ່ຽແລ້ວ ແມ່ນ 76 ຄົນ; ຊັ້ນປະຖົມ - 59 ຄົນ ແລະຍັງມີຫລາຍ ໂຮງຮຽນ ມີເຖິງ 123 ຄົນ ຊຶ່ງຕາມເກນແລ້ວ ແມ່ນ ຄຣູ 1 ຄົນ ຕໍ່ນັກຮຽນ 30 ຄົນ. ສ່ວນຄຣູມັທຍົມ ແມ່ນຄຣູ 1 ຄົນຕໍ່ນັກຮຽນ 44 ຄົນ ຊຶ່ງຕາມເກນແມ່ນ 25 ຄົນ. 

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ