ອະດີດທະຫານລາວ ໃນອະເມຣິກາ ຮຽກຮ້ອງ

ອະດີດ ທະຫານລາວ ທີ່ເຄີຍຕໍ່ສູ້ ເພື່ອສະຫະຣັດ ໃນສໄມສົງຄາມ ວຽດນາມ ຮຽກຮ້ອງໃຫ້ ທາງການ ສະຫະຣັດ ຝັງສົບ ຂອງພວກເຂົາເຈົ້າ ຢ່າງສົມກຽດ ຢູ່ປ່າຊ້າ ແຫ່ງຊາດ ຂອງ ສະຫະຣັດ.
ອະວາຣີ
2010-05-04
ອີແມວລ໌
ຄໍາເຫັນ
Share
ພິມ

ອະດີດ ທະຫານລາວ ຊຶ່ງສ່ວນຫລາຍແມ່ນ ຊາວລາວເຜົ່າມົ້ງ ທີ່ອາໃສຢູ່ ໃນສະຫະຮັຖ ອະເມຣິກາ ທີ່ເຄີຍຕໍ່ສູ້ ເພື່ອອົງການ ສືບຣາຊການລັບ CIA ຂອງສະຫະຣັຖ ມີການເຄື່ອນໄຫວ ຮຽກຮ້ອງ ໃຫ້ທາງການ ສະຫະຣັຖຝັງສົບ ຂອງພວກເຂົາຢູ່ ປະຊ້າແຫ່ງຊາດ ຂອງສະຫະຣັຖ ຊຶ່ງມີທັງໝົດ ກວ່າ 130 ແຫ່ງ ໃນທົ່ວປະເທດ.

ທ່ານ ລອງຢັງ ຮອງປະທານ ອົງການນັກຣົບ ພິເສດກ່າວວ່າ ທະຫານລາວຫລາຍ ຄົນເຄີຍຕໍ່ສູ້ ເພື່ອຜົນປໂຍດ ຂອງສະຫະຣັຖ ເຄີຍຕໍ່ສູ້ເພື່ອ ອົງການສືບຣາຊການລັບ CIA ຂອງສະຫະຣັຖ ແລະເຄີຍຊົດເຊີຍ ຊີວິດຂອງນັກບິນ ສະຫະຣັຖໃນ ສມັຍສົງຄາມ ໃນລາວ ແລະວຽດນາມ. ປັດຈຸບັນ ນັກຣົບເກົ່າເຫລົ່າ ນີ້ຫລາຍໆຄົນ ໄດ້ມາຕັ້ງ ຖິ່ນຖານຢູ່ໃນ ສະຫະຣັຖ ແລະກໍມີອາຍຸ ເຖົ້າແກ່ຫລາຍແລ້ວ ເວລາ ເສັຍຊີວິດໄປ ພວກເຂົາເຈົ້າຕ້ອງການ ຢາກໃຫ້ທາງການ ສະຫະຣັຖ ຮັບຮູ້ ແລະຝັງພວກເຂົາເຈົ້າ ຢ່າງສົມກຽດ ໃນປ່າຊ້າແຫ່ງຊາດ ດັ່ງດຽວກັນກັບ ທະຫານ ອະເມຣິກັນອື່ນໆ.

ທ່ານ ລອງຢັງ ກ່າວອີກວ່າ ສະມາຊິກຂອງ ອົງການນັກຣົບ ພິເສດປັດຈຸບັນ ມີຢູ່ປະມານ 2,000 ຄົນ ແຕ່ຄາດວ່າ ອະດີດທະຫານ ທີ່ເຄີຍຕໍ່ສູ້ເພື່ອ ສະຫະຣັຖ ທັງໝົດ ອາດຈະມີເຖິງ ນຶ່ງໝື່ນຄົນ ໃນທົ່ວ ສະຫະຣັຖ ອະເມຣິກາ.

ກ່ຽວກັບຄຳຮຽກຮ້ອງ ຂອງນັກຣົບເກົ່າ ດັ່ງກ່າວ ທ່ານ Jo Shuda ເຈົ້າໜ້າທີ່ ກະຊວງນັກຣົບເກົ່າ ສະຫະຣັຖ ກ່າວວ່າ ທາງການ ສະຫະຣັຖ ມີຣະບຽບ ແລະເງື່ອນໄຂ ຢ່າງແຈ່ມແຈ້ງວ່າ ຜູ້ໃດຄວນມີສິດ ຖືກຝັງຢ່າງສົມກຽດ ຢູ່ໃນປ່າຊ້າ ແຫ່ງຊາດ. ເຊັ່ນຜູ້ມີສິດຕ້ອງ ເປັນທະຫານຂອງ ກອງທັບ ສະຫະຣັຖ ແລະເສັຍຊີວິດເພື່ອ ສະຫະຣັຖ. ທີ່ຜ່ານມາ ທະຫານ ປະເທດອື່ນເຊັ່ນ ຟີລິບປິນ ກໍໄດ້ຮັບກຽດ ໃນການຖືກຝັງສົບ ຈາກທາງການ ສະຫະຣັຖ ແບບພິເສດ ເພາະທະຫານຟີລິບປິ່ນ ເຫລົ່ານັ້ນຕໍ່ສູ້ເພື່ອ ສະຫະຣັຖ ໃນສມັຍສົງຄາມ.

ປັດຈຸບັນ ອົງການນັກຣົບ ພິເສດ ກຳລັງຊຸກຍູ້ ສະມາຊິກສະພາ ໃນຂັ້ນຕ່າງໆ ໃນສະຫະຮັຖ ໃຫ້ສນັບສນູນ ການຮຽກຮ້ອງສິດທິ ດັ່ງກ່າວ.

ເຕັມຫນ້າ