ສປປລາວ ຂາດເຂີນ ຄຣູສອນ ແລະ ປຶ້ມ

ໃນສົກປີ ການສືກສາ 2008-2009 ນີ້ ໂຮງຮຽນ ຫລາຍແຫ່ງ ໃນທົ່ວ ປະເທດລາວ ໄດ້ປະສົບ ກັບການຂາດເຂີນ ຄຣູສອນ ແລະ ອຸປະກອນ ການສືກສາ ຕ່າງໆ ເຊັ່ນວ່າ ປື້ມຕໍາລາຮຽນ ໂດຍສະເພາະ ປື້ມຕໍາລາຮຽນ ທີ່ປັບປຸງ ຄືນໃໝ່.
ສົມເນ ຣາຍງານ
2008-10-06
ອີແມວລ໌
ຄໍາເຫັນ
Share
ພິມ

ປາກົດການນີ້ ບໍ່ມີພຽງແຕ່ ໃນໂຮງຮຽນ ເຂດຊົນບົດ ເທົ່ານັ້ນ, ​ແມ່ນແຕ່ ໃນບັນດາ ໂຮງຮຽນ ໃນຫົວເມືອງໃຫ່ຽ ດັ່ງໃນ​​ເຂດ ນະຄອນຫລວງວຽງຈັນ ກໍໄດ້ພົບ ບັນຫານີ້ ເຊັ່ນກັນ. ທ່ານອາຈານ ບຸນຈັນ ສີສຸກ ຮອງ ຜູ້ອໍານວຍການໂຮງຮຽນ ມັທຍົມ ຕອນປາຍ ເມືອງສີໂຄຕະບອງ ນະຄອນຫລວງວຽງຈັນ ໄດ້ກ່າວວ່າ ຢູ່ໂຮງຮຽນ ມັທຍົມ ຕອນປາຍ ເມືອງສີໂຄຕະບອງ ມີອາຄານ 4 ຫລັງປະກອບດ້ວຍ 36 ຫ້ອງຮຽນ, ຕາມປົກກະ​ຕິແລ້ວ ມີການເປີດ ສອນທັງໝົດ 36 ຫ້ອງ.


ໃນສົກປີການສືກສາ 2008-2009 ນີ້ສາມາດເປີດຮຽນ ໄດ້ແຕ່ 28 ຫ້ອງຮຽນ ເທົ່ານັ້ນ ເນື່ອງຈາກວ່າຂາດຄູສອນ, ຈໍາເປັນຕ້ອງ ໄດ້ເຕົ້າໂຮມ ນັກຮຽນ ເປັນຈໍານວນ 50 ຄົນເຂົ້າຮຽນ ຢູ່ຫ້ອງດຽວກັນ ອັນໄດ້ສ້າງຄວາມແອອັດ ແລະ ສັບສົນ ຕໍ່ການສິດສອນ ບໍ່ນ້ອຍ. ​ໂຮງຮຽນມັດທຍົມ ຕອນປາຍ ເມືອງສີໂຄຕະບອງ ມີນັກຮຽນ ທັງໝົດ 1,496 ຄົນ, ​ແລະ ມີພະນັກງານ ຣູສອນ ແລະ ອາຈານ ທັງໝົດ 54 ຄົນ. ​ເມື່ອທຽບ ຈໍານວນ ຄຣູສອນ ໃສ່ກັບ ຈໍານວນນັກຮຽນແລ້ວ ເຫັນວ່າ ຣູສອນ ຄົນນື່ງ ມີຄວາມຮັບຜິດຊອບ ນັກຮຽນຫລາຍຄົນໂພດ.


ນອກນີ້ ໂຮງຮຽນແຫ່ງນີ້ ຍັງຂາດເຂີນ ປື້ມຕໍາຣາຮຽນ ວິຊາຟີຊິກສາດຊັ້ນ .4 ​ແລະ.5 ເນື່ອງຈາກວ່າ ປື້ມຕໍາຣາ ວິຊາ ດັ່ງກ່າວເປັນປື້ມ ປັບປຸງໃໝ່ ຍັງບໍ່ມີ ຈໍານວນພຽງພໍ ສໍາລັບນັກຮຽນທຸກຄົນ, ສະນັ້ນຈື່ງໄດ້ຈັດແບ່ງ ໃຫ້ກຸ່ມນັກຮຽນ 5-7 ຄົນໄດ້ຮັບປື້ມ ຕໍາລາຮຽນ 1 ຫົວ. ກ່ຽວກັບ ສາເຫດ ຂາດຣູສອນນີ້ ​​ ທ່ານ ຊື່ນ ໄຊຍະວົງໄຊ ຫົວໜ້າ ແນກ ປະຖົມ ສືກສາ ກົມສາມັນ ກະຊວງສືກສາ ທິການຂອງລາວໄດ້ຊີ້ແຈງ ເມື່ອບໍ່ນານມານີ້ ວ່າ:


ດຽວນີ້ ຄຣູຂາດ ມັນກໍມີ ຫລາຍສາເຫດ. ​ໂຄຕາ ທີ່ທາງຣັຖບານລາວ ໃຫ້ແຕ່ລະປີ ມັນຈະ ບໍ່ພຽງພໍ. ສໍາລັບປີນີ້ ມີອັຕຣາ ບັນຈຸ ຄູ 4,000 ກ່ວາຄົນ ກະແຈກຢາຍໄປທົ່ວແຂວງ ໂດຍສະເພາະເຂດພູດອຍ ທີ່ຂາດຄຣູສອນ.”


ດັ່ງທີ່ ກ່າວມານັ້ນວ່າ ສະພາບ ຂາດແຄນຣູສອນ ມີທົ່ວປະເທດໃນລາວ. ຍາມໃດ ຣັຖບານກໍວ່າ ຈະປັບປຸງ ແຕ່ປາກົດວ່າ ການແກ້ໄຂ ເຣື້ອງນີ້ລ້າຊ້າຫລາຍ.

ເຕັມຫນ້າ