ອົພຍົບມົ້ງລາວ ຢູ່ຢ່າງຣະແວງໃນລາວ

ກຸ່ມອົພຍົບ ຊາວມົ້ງ ຢູ່ດ້ວຍຄວາມ ຢ້ານກົວ ໃນສປປລາວ ແລະໃນໄທ. ນັກເຄື່ອນໄຫວ ຊາວມົ້ງລາວ ເປີດເຜີຍ.
ສິດນີ
2010-07-26
ອີແມວລ໌
ຄໍາເຫັນ
Share
ພິມ

ໃນລະຍະ ຫລັງໆມານີ້ ຣັຖມົນຕຣີ ຕ່າງປະເທດ ສະຫະຣັຖ ມາດາມ Hillary Clinton ໄດ້ພົບກັບ ຣັຖມົນຕຣີ ຕ່າງປະເທດ ລາວ ທ່ານ ທອງລຸນ ສີສຸລິດ ຊື່ງເປັນການ ພົບປະຂອງ ເຈົ້າຫນ້າທີ່ ຣະດັບສູງ ຣະຫວ່າງ ສອງປະເທດ ຄັ້ງທຳອິດ ຫລັງຈາກ ສີ້ນສຸດ ສົງຄາມ. ສຳລັບ ສະຫະຣັຖ ແລ້ວ ການພົບປະ ຄັ້ງນີ້ ແມ່ນເປັນ ພາກສ່ວນ ຂອງການເຂົ້າໄປ ພົວພັນ ກັບຂົງເຂດ ເອເຊັຽຄັ້ງໃຫມ່ ຂອງສະຫະຣັຖ ແຕ່ສຳລັບ ສປປລາວແລ້ວ ຫວັງວ່າ ການພົບປະ ເປັນການຍົກ ຣະດັບ ການຄ້າແລະ ການລົງທືນ ໃນລາວ ຫລັງຈາກຫຼາຍປີ ທີ່ລາວຖືກ ສະຫະຣັຖ ຖີ້ມຣະເບີດ ໃສ່ໃນ ຊຸ່ມປີ 1960 ຫາ 70. ໂດຍທົ່ວໄປ ການພົບປະ ເທື່ອນີ້ ຖືວ່າເປັນ ສັນຍາລັກ ໃນການສະສາງ ບັນຫາ ທີ່ຜ່ານມາ ແລະ ແຜນການໃນ ອະນາຄົດ.

ນາຍ ປາວຊາງ ຊື່ສົມມຸດ ກຸ່ມເຄືອຂ່າຍ ນັກເຄື່ອນໄຫວ ເພື່ອຊາວມົ້ງລາວ ທີ່ປະເທດໄທ ເວົ້າວ່າການ ຍົກຣະດັບ ຄວາມສຳພັນ ຣະຫວ່າງ ສະຫະຣັຖ ກັບລາວ ແນ່ນອນ ບໍ່ໄດ້ສ້າງ ຜົລປໂຍດ ໃຫ້ແກ່ຄົນ ລາວ ໂດຍທົ່ວໄປ ແລະຫລາຍຄົນ ກໍ່ບໍ່ມີຄວາມ ກະຕືລືລົ້ນ ໃນຄວາມຫວັງ ທີ່ຈະໄດ້ ຮັບຈາກການ ພົບປະເທື່ອນີ້.

ໃນການ ເປີດເຜີຍກັບ ຫນັງສື TIME ແບບລັບໆ ທີ່ປະເທດໄທ ນາຍປາວຊາງ ອົພຍົບ ຊາວມົ້ງ ຜູ້ທີ່ຖືກ ສົ່ງກັບລາວ ແຕ່ໄດ້ໂຕນ ຫນີຈາກສູນ ດັ່ງກ່າວ ໃນລາວ ວ່າງມໍ່ໆມານີ້ ເວົ້າວ່າ ການພົບປະ ທີ່ກຸງ ວໍຊີງຕັນ ຣະຫວ່າງ ເຈົ້າຫນ້າທີ່ ຣະດັບສູງ ຂອງສອງປະເທດ ຈະບໍ່ຊ່ອຍ ຊາວມົ້ງ ຜູ້ທີ່ຍັງ ຖືກປາບປາມ ແລະເຂັ່ນຂ້າ ໃນລາວ ແຕ່ຢ່າງໃດ. ຜູ້ນຳທັງສອງ ສ່ວນໃຫຍ່ ໂອ້ລົມກັນ ກ່ຽວກັບ ສີນຄ້າ ເຂົ້າ-ອອກ ຣະຫວ່າງກັນ ເທົ່ານັ້ນ ບໍ່ແມ່ນ ຊອກຊ່ອງທາງ ຊ່ອຍຊາວມົ້ງ ຜູ້ທີ່ເຄີຍ ໃຫ້ການ ສນັບສນູນ ສະຫະຣັຖ ໃນປາງ ສົງຄາມ.

ໃນມື້ວັນ ທີ 28 ທັນວາ ປີ 2009 ນາຍ ປາວຊາງ ພ້ອມດ້ວຍ ອົພຍົບ ຊາວມົ້ງ 4 ພັນຄົນ ທີ່ອາສັຍ ຢູ່ສູນທີ່ ປະເທດໄທ ຖືກທາງການໄທ ສົ່ງກັບ ສປປລາວ ຊື່ງທາງການໄທ ຖືວ່າກຸ່ມ ດ່ັງກ່າວ ເປັນຄົນເຂົ້າ ເມືອງໄທ ແບບຜິດ ກົດຫມາຍ ບໍ່ແມ່ນຜູ້ ອົພຍົບ ທາງການເມືອງ ຈື່ງຖືກສົ່ງ ກັບລາວ.

ຄໍາເຫັນ (7)
Share

ຜູ້ຕິດຕາມຂ່າວເອເຊຍເສລີ

ຈາກ ລາວ

ອາດເປັນພວກຄົນໜ້ອຍດຽວ ທີ່ເຮັດຜິດກົດໝາຍ, ອີກທັງພວກກ່ຽວ ມີຈຸດປະສົງດີ້ນຮົນ ໄປປະເທດທີ່ ສາມ ໂດຍສະເພາະແມ່ນ ອາເມລິກາ ເຊິ່ງເປັນປະເທດ ທີ່ຊາວມົ້ງນິຍົມໄປ, ຫລືບໍ່ກໍເປັນພວກທີ່ຮັບຈ້າງສ້າງຂ່າວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2012 11:14 AM

ຜູ້ຕິດຕາມຂ່າວເອເຊຍເສລີ

ຈາກ ລາວ

ເປັນພວກຄົນໜ້ອຍດຽວ ທີ່ເຮັດຜິດກົດໝາຍ, ອີກທັງພວກກ່ຽວ ມີຈຸດປະສົງດີ້ນຮົນ ໄປປະເທດທີ່ ສາມ ໂດຍສະເພາະແມ່ນ ອາເມລິກາ ເຊິ່ງເປັນປະເທດ ທີ່ຊາວມົ້ງນິຍົມໄປ, ຫລືບໍ່ກໍເປັນພວກທີ່ຮັບຈ້າງສ້າງຂ່າວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2012 11:13 AM

(

ຊົນເຜົ່າມົ້ງໃນລາວກໍ່ມີພາກສ່ວນທີ່ເປັນໃຈ ແລະ ສະຫນັບສະໜູນລັດຖະບານ ປະເທດລາວ ບໍ່ແມ່ນປະເທດສະເພາະ ຂອງຊົນຊາດຊົນເຜົ່າໃດໜຶ່ງ ທຸກຊົນຊາດຊົນເຜົ່າ ລ້ວນແຕ່ມີສິດອາໄສຢູ່ດິນລາວ ພາຍໃຕ້ເງື່ອນໄຂ ເຄົາລົບອຳນາດ ອະທິປະໄຕແບບລາວ ທີ່ກຳນົດຢູ່ສະພາແຫ່ງຊາດລາວ ຊົນເຜົ່າມົ້ງບາງສ່ວນ ຖືກໂຄສະນາຊວນເຊື່ອ ກາຍເປັນຜູ້ທີ່ມີແນວຄິດ ຢາກລົບລ້າງລັດຖະບານ ປະຕິເສດທຸກຄວາມຄິດ ການກະທຳ ເຖິງຈະດີປານໃດກໍ່ວ່າບໍ່ດີ ເຊິ່ງຄວາມຈິງແລ້ວ ຄວນຈະເຫັນອົກເຫັນ ໃຈເຊິ່ງກັນແລະກັນ ສິ່ງທີ່ຜິດກົດໝາຍບໍ່ຄວນຈະເຮັດ

Sep 10, 2012 12:17 PM

ຜູ້ອ່ານທີ່ບໍ່ອອກຊື່

ຄວາມຈິງພັກ ແລະ ລັຖບານລາວມີນໂຍບາຍສະເມີພາບທົ່ວທຸກເທົ່າຊົນ, ໃຫ້ໂອກາດຊົນເຜົ່າທີ່ເຄີຍຕໍ່ຕ້ານຫັນມາດຳລົງຊີວິດຮ່ວມກັບຄົນອື່ນໆ ແຕ່ເພີ່ນກັບປິດກັ້ນຕົນເອງ, ຄິດໄປເອງເພາະຕົນເອງເຄີຍເຮັດບໍ່ດີກໍເລີຍຢ້ານ

Apr 09, 2012 08:26 AM

ຜູ້ອ່ານທີ່ບໍ່ອອກຊື່

Phak lae Latthabarn Lao hak paxaxonh Lao took phao xonh pen houang pen nhai nam xeevit karn pen u khorng paxaxonh banh da phao took xanh khonh. tha thiep sai laya pharn ma hen va Lao mee khouam kao na koua tae korn lai lai yang. Lai pathet hai karn nhong nhor, lai pathet hai khouam xeua manh, hai sang ket beung jam nouan karn long thuen korng tang xart kor hou dai. jong xeua manh karn nam thert phee nong xao lao. mee kong, mee kinh,mee sangsa phatthana thue va nhang dee koua mee tae kong karp kinh.

Nov 30, 2011 01:07 AM

ເບິ່ງຄວາມເຫັນທັງໝົດ.

ເຕັມຫນ້າ