ມີການລັກລອບຕັດໄມ້ ຢູ່ເຂດເມືອງຕຸ້ມລານແຂວງ ສາລະວັນ ເພື່ອສົ່ງອອກໄປຂາຍຫວຽດນາມ.
ປັດຈຸບັນ ໄມ້ທີ່ຕັດອອກມາມີການແປຮູບເປັນໄມ້ຕັບ ແລ້ວມາກອງໄວ້ສະໜາມໄມ້ ຢູ່ເຂດເມືອງຕຸ້ມລານເພື່ອກຽມໃສ່ລົດສົ່ງໄປຫວຽດນາມ.
ຊາວບ້ານເມືອງຕຸ້ມລານ ກ່າວວ່າ ໄມ້ດັ່ງກ່າວມີຈໍານວນຫຼາຍ 1,000 ແມັດກ້ອນ ແລະ ຈະຄ່ອຍທະຍອຍຂົນອອກໄປຜ່ານດ່ານຊາຍແດນລະໄລ ຢູ່ເມືອງສະໝ້ວຍ ແຂວງສາລະວັນ ທີ່ຕິດກັບຊາຍແດນຫວຽດນາມ.
ເຈົ້າໜ້າທີ່ ແຂວງສາລະວັນ ທ່ານນຶ່ງ ໄດ້ກ່າວວ່າ ຈຸດທ້ອນໂຮມໄມ້ຫ່າງຈາກໂຕເມືອງຕຸ້ມລານປະມານ 3-4 ກິໂລແມັດ ເທົ່ານັ້ນ.
ຊາວບ້ານ ຍັງກ່າວວ່າ ໄມ້ດັ່ງກ່າວ ເປັນໄມ້ຜິດກົດໝາຍເປັນຂອງປະຊາຊົນຢູ່ເຂດດັ່ງກ່າວ ໂດຍມີເຈົ້າໜ້າທີ່ເມືອງເປັນໃຈ ໃຫ້ຊາວບ້ານ.
ປະຊາຊົນພາກັນໄປຕັດໄມ້ ແລ້ວຂາຍໃຫ້ນັກທຸລະກິດຫວຽດນາມ ແລ້ວ ສົ່ງໄມ້ອອກໄປປະເທດຫວຽດນາມ.
ຊາວບ້ານເມືອງຕຸ້ມລານ ທ່ານນີ້ ກ່າວວ່າ ມີການຕັດໄມ້ຢູ່ເຂດເມືອງຕຸ້ມລານມາໄດ້ປະມານ 3 ປີແລ້ວ ແລະ ທີ່ຜ່ານມາ ກໍມີການຕັັດໄມ້ຢູ່ເຂດບ້ານນາກະເຈິີມ ເມືອງຕຸ້ມລານແຂວງສາລະວັນ.
ນອກຈາກນີ້ ໃນວັນທີ 9 ມິຖຸນາ ຍັງເກີດມີລົດແກ່ໄມ້ຂ້ວາມ ຢູ່ດ່ານຊາຍແດນ ຢູ່ ແຂວງ ສະຫວັນນະເຂດ.