ທາງການສະຫະຣັຖ ຈະຢ້ຽມຊາວມົ້ງ ທີ່ຖືກສົ່ງກັບ

ເຈົ້າໜ້າທີ່ ຣະດັບສູງ ກະຊວງກາຣ ຕ່າງປະເທສ ສະຫະຣັຖ ດ້ານຜູ້ອົພຍົບ ແລະຜູ້ລີ້ພັຍ ຈະໄປຢ້ຽມຢາມ ຊາວມົ້ງ ທີ່ຖືກສົ່ງ ກັບຈາກ ປະເທສໄທ.
ຫວາດ ສີມູນ
2010-06-11
Share
F-Hm-BK ຊາວມົ້ງລາວ ມາທ້ອນໂຮມກັນ ຕ້ອນຮັບຜູ້ຕາງໜ້າ ຊາວຕ່າງປະເທດ ທີ່ໄປຢ້ຽມຢາມ ພວກເຂົາເຈົ້າ ຢູ່ເມືອງບໍຣິຄັນ ແຂວງບໍຣິຄໍາໄຊ ໃນວັນທີ 29 ມິນາ 2010
RFA

ທ່ານ Eric P. Schwartz ຜູ້ຊ່ວຍຣັຖມົນຕຣີ ຕ່າງປະເທສ ດ້ານຜູ້ອົພຍົບ ແລະຜູ້ລີ້ພັຍ ຂອງສະຫະຣັຖ ຈະໄປຢ້ຽມຢາມ ສປປລາວ ໃນມື້ວັນທີ່ 13-16 ມີຖຸນາ 2010 ນີ້ ເພື່ອພົບປະຫາຣື ກັບທາງກາຣ ກ່ຽວຂ້ອງຂອງ ສປປລາວ ໂດຽສະເພາະກ່ຽວກັບ ສະພາບ ຄວາມເປັນຢູ່ ຂອງຊາວມົ້ງ ທີ່ທາງກາຣໄທຽ ໄດ້ສົ່ງກັບຄືນ ໃຫ້ຣັຖບາລລາວ ໃນທ້າຍປີ 2009 ທີ່ຜ່ານມາ ພ້ອມຍັງຈະມີ ກາຣພິຈາຣະນາ ກາຣໄປຕັ້ງ ຖິ່ນຖານໃໝ່ ໃນປະເທສທີ່ 3 ແລະໂຄງກາຣ ຊ່ວຍເຫລືອດ້ານ ສິທທິມະນຸສຍະຊົນ ແກ່ຊາວມົ້ງ ດັ່ງກ່າວນັ້ນນຳດ້ວຍ:

ທ່ານວ່າ: “ກ່ອນຖືກສົ່ງກັບ ຄືນປະເທສລາວ ໃນປີຜ່ານມາ ຊາວມົ້ງສ່ວນໜຶ່ງ ກໍຄວນທີ່ຈະໄດ້ຮັບ ຖານະບຸຄຄົລ ທີ່ໜ້າເປັນຫ່ວງ ທີ່ຄວນຈະໄດ້ ຮັບກາຣຊ່ວຍເຫລືອ ໄປຕັ້ງຖິ່ນຖານໃໝ່ ໃນປະເທສທີ່ 3 ຊຶ່ງກໍບໍ່ມີ ບັນຫາໃດໆ ທີ່ຈະຕົກລົງ ກັບຣັຖບາລຂອງ ປະເທສ ທີ່ຈະຮັບເອົາ ເຂົາເຈົ້າໄປ ອາສັຍຢູ່ນັ້ນ”.

ທ່ານ Schwartz ໄດ້ກ່າວເພີ່ມວ່າ ໃນຣະຍະ 4 ມື້ ທີ່ທ່ານ ຢ້ຽມຢາມລາວ ໃນຄາວນີ້ ທ່ານກໍຈະມີ ໂອກາສໄດ້ ພົບພໍ້ກັບ ເຈົ້າໜ້າທີ່ກ່ຽວຂ້ອງ ຫລາຍໆທ່ານ ຊຶ່ງກໍອາຈ ມີກາຣພິຈາຣະນາ ດ້ານຄວາມຊ່ວຍເຫລືອ ເພື່ອມະນຸສທັມ ນຳດ້ວຍ ດັ່ງທີ່ທ່ານໄດ້ ກ່າວເພີ່ມວ່າ:

ທ່ານວ່າ “ຖ້າທາງອົງກາຣ ຈັດຕັ້ງ ທາງດ້ານມະນຸສທັມ ຂອງສາກົລ ຫາກສາມາດ ເຂົ້າໄປພົວພັນ ແລະ ໃຫ້ການຊ່ວຍເຫລືອ ຕ່າງໆແກ່ຊາວມົ້ງ ດັ່ງກ່າວກໍຍິ່ງ ຈະເປັນ ກາຣດີ ແລະເປັນຜົລປໂຍດ ແກ່ທຸກພາຄສ່ວນ ຊຶ່ງທ່ານ ກໍມີຄວາມຕັ້ງໃຈ ທີ່ຈະນຳເອົາເຣື່ອງນີ້ ເຂົ້າພິຈາຣະນາ ກັບທາງເຈົ້າໜ້າທີ່ ລາວເຊ່ັນກັນ”.

ເຖິງຢ່າງໃດກໍຕາມ ຊາວມົ້ງທີ່ພົບວ່າ ບັນດາປະເທສຕ່າງໆ ທີ່ອາຈຮັບເອົາ ໄປຕັ້ງຖິ່ນຖານໃໝ່ ໃນປະເທສທີ່ 3 ນັ້ນ ມີທັງໝົດ 158 ຄົນ ທີ່ຖືກສົ່ງຈາກ ສູນກັກຂັງ ຢູ່ດ່ານກວດ ຄົນເຂົ້າເມືອງ ທີ່ໜອງຄາຍ ແລະອາຈມີຈຳນວນ ອື່ນໆຕື່ມອີກ ທີ່ທາງ UNHCR ຮັບຮອງວ່າມີ ສະຖານະພາບ ເປັນຄົນລີ້ພັຍ ໃນເມື່ອກ່ອນແລ້ວນັ້ນ.

Anonymous says:
Mar 02, 2012 02:29 PM

The unchr need to visit the Hmong return to Laos asap. I think the returner maybe death already.

Anonymous says:
Mar 31, 2012 02:25 AM

ເພື່ອຄວາມເປັນສີຣິມົງຄຸນ ຕໍ່ສິທທິຂອງຄວາມເປັນມະນຸຕສ໌ ຈະຊ້າຫລືໄວໄປໄດ້ ກໍ່ເປັນການຊື້ ນ້ຳໃຈຂອງຄວາມເປັນມະນຸຕສ໌ດ້ວຍກັນ ທັງນັ້ນ,ພ້ອມຈະຮູ້ໄດ້ເຖິງຈຸດດີ ແລະ ຈຸດອ່ອນທີ່ເກີດ ຂຶ້ນແລ້ວ ແລະຈະຕາມມາອີກໃນພາຍຫນ້າ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ