ສະມາຊິກສະພາສູງ ເປັນຫ່ວງນໍາຊາວມົ້ງລາວ

ສະມາຊິກ ສະພາສູງ ສະຫະຣັຖ ຍັງເປັນຫ່ວງ ຕໍ່ຊະຕາກັມ ຂອງຊາວລາວ ເຜົ່າມົ້ງ ທີ່ຖືກສົ່ງ ກັບຄືນ ສປປລາວ ເມື່ອທ້າຍປີ ກາຍນັ້ນຢູ່.
ອະວາຣີ
2010.09.23
Share on WhatsApp
Share on WhatsApp

ກົດຟັງສຽງ

ທ່ານ Al Franken ສະມາຊິກ ສະພາສູງ ສະຫະຣັຖ ຈາກຣັຖ ມີນີໂຊຕ້າ ຍັງມີຄວາມ ເປັນຫ່ວງ ຕໍ່ຊະຕາກັມ ຂອງຊາວລາວ ເຜົ່າມົ້ງ ທີ່ຖືກສົ່ງ ຈາກໄທກັບຄືນ ສປປລາວ ເມື່ອທ້າຍເດືອນ ທັນວາ ປີກາຍນັ້ນຢູ່. ເຖິງແມ່ນວ່າ ພວກເຂົາເຈົ້າ ຈະຖືກສົ່ງກັບຄືນ ດົນນານ ຫລາຍເດືອນ ແລ້ວກໍຕາມ.

ເມື່ອເດືອນ ກໍຣະກະດາ ກາງປີນີ້ ທ່ານ Franken ແລະພັລຍາ ໄດ້ໄປຢ້ຽມຢາມ ຊາວເຜົ່າມົ້ງ ທີ່ຖືກສົ່ງ ກັບຄືນນັ້ນ ແລະເມື່ອວັນທີ່ 21 ກັນຍາ ນີ້ ທ່ານ Franken ໄດ້ຂຽນລົງ ໜັງສືພິມ St. Paul Pioneer ວ່າ ຊາວລາວເຜົ່າມົ້ງ ທີ່ອາໄສຢູ່ ຣັຖມີນີໂຊຕ້າ ແລະ ຕົວທ່ານເອງ ຍັງມີຄວາມຫ່ວງ ຕໍ່ຄວາມປອດໄພ ແລະ ຊີວິດການເປັນຢູ່ ຂອງຊາວເຜົ່າມົ້ງ ທີ່ອາໄສ ຢູ່ບ້ານພັທນາ ໃນລາວນັ້ນຢູ່.

ທ່ານ Franken ກ່າວວ່າ ທ່ານເສັຍໃຈທີ່ ທາງການລາວ ບໍ່ອະນຸຍາດ ໃຫ້ທ່ານ ແລະຜູ້ຕາງໜ້າ ອົງການ ແລະຣັຖບານ ຕ່າງປະເທດອື່ນໆ ໄດ້ພົບປະກັບ ຊາວເຜົ່າມົ້ງຫຼາຍ ກວ່ານັ້ນ. ທ່ານພຽງແຕ່ໄດ້ ນັ່ງຟັງຣາຍງານ ຂອງຜູ້ຕາງໜ້າ ຊາວເຜົ່າມົ້ງ ທີ່ທາງການລາວ ຈັດມາເທົ່ານັ້ນ.

ເຖິງຢ່າງໃດກໍດີ ທ່ານ Franken ໄດ້ຂໍຮ້ອງໃຫ້ ທາງການລາວ ຈັດສົ່ງ ການຊ່ວຍເຫລືອ ທາງດ້ານມະນຸສທັມ ຂອງຕ່າງປະເທດ ໄປໃຫ້ແກ່ ຊາວເຜົ່າມົ້ງ ເຫລົ່ານັ້ນດ້ວຍ ແລະ ທ່ານກໍໄດ້ ຂໍຣາຍຊື່ ຂອງຊາວເຜົ່າມົ້ງ ທີ່ຖືກສົ່ງ ກັບຄືນລາວ ທັງໝົດ ຈາກເຈົ້າໜ້າທີ່ ທາງການລາວ ເພື່ອຈະນຳໄປ ແຈ້ງໃຫ້ຊາວລາວ ເຜົ່າມົ້ງ ທີ່ພໍ່ແມ່ພີ່ນ້ອງ ຢູ່ສະຫະຣັຖ ອະເມຣິກາ ແລະ ປະເທດອື່ນໆຮູ້ ເພື່ອພວກເຂົາ ຈະສາມາດຕິດຕໍ່ ພົວພັນກັນ.

ບໍ່ພຽງເທົ່ານັ້ນ ທ່ານ Al Franken ຍັງຂຽນວ່າ ທ່ານແລະຍານາງ Hillary Clinton ຣັຖມົນຕຣີ ການຕ່າງປະເທດ ສະຫະຣັຖ ກໍໄດ້ເວົ້າກັບ ທ່ານທອງລຸນ ສີສຸລິດ ຮອງນາຍົກ ຣັຖມົນຕຣີ ແລະຣັຖມົນຕຣີ ການຕ່າງປະເທດ ສປປລາວ ໃນເວລາ ທ່ານທອງລຸນ ມາຢ້ຽມຢາມ ນະຄອນຫລວງ ວໍຊິງຕັ່ນ ເມື່ອບໍ່ດົນ ຜ່ານມາວ່າ ການທີ່ ສປປລາວ ຢາກປັບປຸງ ຄວາມສຳພັນກັບ ສະຫະຣັຖ ໃຫ້ດີຂື້ນນັ້ນ ຕ້ອງຂື້ນກັບ ທາງການລາວ ຈະປະຕິບັດ ຕໍ່ຊາວລາວ ເຜົ່າມົ້ງ ໄດ້ດີຂື້ນ ເທົ່າໃດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Nov 16, 2011 02:48 PM

ຊັງພວກອາເມລິກາພວກມັກກືນກິນປະເທດອື່ນທັງທີ່ເຂົາເຈົ້າຢູ່ດີໆແຕ່ຫາກແຍ່ໄປຫາ

Anonymous
Jan 14, 2012 11:22 PM

Al Franken the demagogue what you need is the vote from the Miao! Crocodile’s tears you are better to take care of the unemployed American workers first.

Anonymous
Nov 16, 2011 02:47 PM

ຢາກບອກວ່າຢູ່ໃສກໍ່ບໍ່ມີຄວາມສຸກທໍ່ຢູ່ເມືອງລາວເພາະເມືອງລາວເປັນເມືອງທີ່ມີຄວາມສາມັກຄີຮັກແພງຊ່ວຍເຫລືອເຊິ່ງກັນແລະກັນ.ມີພັກການເມືອງອັນດຽວກໍ່ຄືພັກປະຊາຊົນປະຕິວັດລາວທີ່ມີການນຳພາອັນສະຫລາດສ່ອງໃສ ປະເທດອື່ນບໍ່ຈຳເປັນທີ່ຈະເຂົ້າມາສະແດງຄວາມເປັນຫ່ວງເພາະຄົນລາວເບິ່ງແຍງກັນເອງດີທີ່ສຸດແລ້ວ

Anonymous
Mar 01, 2012 03:41 PM

ຊັງພວກผู้นำป่าเถื่อนຢູ່ເມືອງລາວฮั่งมี แต่ปะชาชนทุกยากลำบาก

Anonymous
Jan 29, 2013 11:23 PM

US ເຊີນມາເອົາພວກມົ້ງລາວ ໄປຢູ່ນຳໃຫ້ໝົດສາ ຊາວລາວເຮົາບໍ່ຕ້ອງການ ພວກຮ່ານີ້ອີກແລ້ວ ມີແຕ່ສ້າງບັນຫາ ທັງຢາເສບຕິດ ຄ້າຂາຍເຖື່ອນ ລັດຍິງລົດຕາມເສັ້ນທາງ ເຮັດແນວຜິດກົດໝາຍ ເປັນຕາຊັງຫຼາຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Anonymous
Dec 23, 2011 03:03 PM

GOOD

Anonymous
Jul 11, 2012 03:06 PM

ບັນດາທ່ານສະມາຊິກສະພາສູງ US ທັງຫຼາຍ ບໍ່ຕ້ອງເປັນຫ່ວງນໍາ
ຊາວມົ້ງລາວດອກ, ພວກເພິ່ນມີອາຊີບທຳມາຫາກິນແລ້ວ, ເຊົາສາ
ເລື່ອງເປັນຫ່ວງນັ້ນ.
ລາວ

ເຕັມຫນ້າ