ສວັນນະເຂດປັບປຸງ ຣະບົບການທ່ອງທ່ຽວ

ການທ່ອງທ່ຽວ ສວັນນະເຂດ ເລັ່ງປັບປຸງ ຣະບົບ ເຮັດວຽກພາຍໃນ.
ວຽງໄຊ
2010-06-07
Share

ຕັ້ງແຕ່ມີການ ເປີດໃຊ້ ຂົວມິຕພາບ ແຫ່ງທີ່ 3 ສວັນນະເຂດ-ມຸກດາຫານ ປະກົດວ່າ ຈຳນວນ ນັກທ່ອງທ່ຽວໄດ້ ເພີ້ມຂຶ້ນຢ່າງ ຫລວງຫລາຍເຮັດໃຫ້ ບໍຣິສັດນຳທ່ຽວ ເພີ້ມຂຶ້ນນຳຢ່າງ ໄວວາ ຊຶ່ງຫ້ອງການທ່ອງທ່ຽວ ແຂວງ ສວັນນະເຂດ ກຳລັງປະສົບ ບັນຫາ ທີ່ບໍ່ສາມາດ ຊ່ວຍຈັດຕັ້ງ ບໍຣິສັດ ຂອງເຂົາເຈົ້າ ໃນແຂວງ ສວັນນະເຂດໄດ້ ຕາມຄວາມຕ້ອງການ ຂອງນັກທຸຣະກິດ. ເຈົ້າໜ້າທີ່ຫ້ອງ ການທ່ອງທ່ຽວ ແຂວງສວັນນະເຂດ ຜູ້ນຶ່ງເວົ້າວ່າ:

“ບັນຫາອຸບປະສັກ ຄັນສີ່ເວົ້າແລ້ວ ຜ່ານການ ເຈຣະຈາ ໃນສາມແຂວງ ສາມເຂດ ພວກເຮົານີ້ກໍ ພຍາຍາມກຳຈັດ ອຸບປະສັກ ກ່ຽວກັບການ ເດີນທາງ ແລ້ວກໍການ ເຊັນ ເອກກະສານ ຫຍັງຕ່າງໆນ໋ະ ພວກເຮົາ ກໍພຍາຍາມເຮັດ ໃຫ້ສະດວກຂຶ້ນແລ້ວ ກໍວ່ອງໄວຂຶ້ນອີກ”.

ທ່ານເວົ້າຕໍ່ໄປວ່າ ນັກທຸຣະກິດ ສ່ວນຫລາຍ ມາຈາກໄທ ໄດ້ເຂົາມາລົງທຶນ ເປີດບໍຣິສັດ ທ່ອງທ່ຽວ ຢູ່ແຂວງສວັນນະເຂດ ຈຳນວນຫລາຍ ຊຶ່ງເຂົາເຈົ້າ ຍັງຄາຢູ່ຂັ້ນຕອນ ການຈົດທະບຽນ ຂໍດໍາເນີນ ທຸຣະກິດ ຢູ່ລາວ ແຕ່ວ່າຍັງບໍ່ ສຳເຮັດ ຍ້ອນການເຮັດວຽກ ຂອງລາວລ້າຊ້າ ດັ່ງນັ້ນຫ້ອງການ ທ່ອງທ່ຽວແຂວງ ຮວມໄປຮອດຫ້ອງການ ແຜນການແລະ ການລົງທຶນ ໃນຖານະຜູ້ຮັບ ເຣື້ອງຂໍ ຈົດທະບຽນ ກໍພຍາຍາມ ແກ້ບັນຫານີ້ ໃຫ້ຈົບລົງໂດຍໄວ ເພື່ອບໍ່ໃຫ້ມີ ສຽງຈົ່ມວ່າ ທາງການລາວ ເຮັດວຽກຊ້າ.

ປັດຈຸບັນເວົ້າ ໄດ້ວ່າ ແຂວງສວັນນະເຂດ ຮອງຮັບນັກທ່ອງທ່ຽວ ຈຳນວນຫລວງຫລາຍ ໃນສະເພາະປີ 2009 ມີຫລາຍກວ່າ 5 ແສນຄົນ ທີ່ເຂົ້າມາ ທ່ອງທ່ຽວ ແລະ ຍັງໄປຕໍ່ເຖິງ ສາມປະເທດດ້ວຍກັນ ດັ່ງນັ້ນ ບໍຣິສັດທ່ອງທ່ຽວ ທັງໃນ ແລະຕ່າງປະເທດ ກໍຫລິງເຫັນການ ເຕີບໂຕຂອງ ກິຈການທ່ອງທ່ຽວ ໃນລາວ ຈົນເປັນສາເຫດ ໃຫ້ເຂົ້າມາຂໍ ຈົດທະບຽນກັນ ເປັນຈຳນວນຫລາຍຂຶ້ນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ