ຊາວລາວຊົນນະບົດ ແລະການໄປ ເຮັດວຽກຕ່າງແດນ

ຊາວລາວ ຈາກເຂດ ຊົນນະບົດ ຍັງຂາດຄວາມຮູ້ ແລະ ຄວາມເຂົ້າໃຈ ໃນການໄປ ເຮັດວຽກຢູ່ຕ່າງແດນ.
ສິດນີ
2010-05-12
ອີແມວລ໌
ຄໍາເຫັນ
Share
ພິມ

ຕົວແທນປະຊາຊົນ ຕາມເຂດຊາຍແດນ ຫ່າງໄກສອກຫລີກ ໃນລາວ ຍອມຮັບວ່າ ບັນດາຫົວຫນ້າ ຄອບຄົວຜູ້ຊາຍ ໃນກຸ່ມບ້ານຕ່າງໆ ຫລັງຈາກ ໄດ້ໂອ້ລົມ ກັນແລ້ວ ມີຄວາມເປັນຫວ່ງ ເຖິງສະພາບການ ທີ່ລູກຫລານຂອງ ພວກຂະເຈົ້າໂຕນຫນີ ອອກໄປເຮັດວຽກ ຢູ່ຕ່າງແດນ ດ້ວຍຄວາມຮູ້ເທົ້າ ບໍ່ເຖິງການ.

ກຸ່ມດັ່ງກ່າວ ຕ້ອງການຢາກໃຫ້ ເຈົ້າຫນ້າທີ່ກ່ຽວຂ້ອງ ເຂົ້າມາໃຫ້ການ ສຶກສາຝຶກອົບຮົມ ແກ່ເດັກກຸ່ມນີ້ ເຖິງຄວາມສ່ຽງທີ່ ອາດຈະເກິດຂຶ້ນ ແກ່ຊິວິດຂອງ ພວກຂະເຈົ້າ ດັ່ງທ້າວ ແສນຄຳ ພູມປັນຍາສຸກ ປະຊາຊົນຈາກ ແຂວງຫົວພັນກ່າວ ໃນຕອນນຶ່ງວ່າ:

"ທາງທີ່ດີແທ້ ຂະເຈົ້າຄິດວ່າ ຄົນທີ່ຢູ່ລຽບ ຊາຍແດນຍັງບໍ່ທັນ ເຂົ້າໃຈເລິກເຊິ່ງ ເທົ່າທີ່ຄວນເລື້ອງ ບັນຫາຕົວນີ້ ອັນນີ້ກໍຢາກສເນີ ພາກສ່ວນໂຄງການ ຂະເຈົ້າລົງມາ ຂໍໃຫ້ຂະເຈົ້າ ພຍາຍາມ ເລື້ອງການໂຄສະນາ ໃຫ້ປະຊາຊົນ ຮັບຮູ້ກ່ຽວກັບ ເລື້ອງຜົລຮ້າຍຂອງ ການຄ້າມະນຸດ".

ລາວວ່າ ປະຊາຊົນ ບາງສ່ວນໃນແຂວງ ຫົວພັນ ກໍຮູ້ບັນຫານີ້ ແຕ່ຍັງບໍ່ເລີກເຊີ່ງ ເພາະໄດ້ຮັບການ ອົບຮົມບາງເລັກນ້ອຍ ແຕ່ຍັງມີ ປະຊາຊົນອີກ ຈຳນວນນຶ່ງ ທີ່ຂາດ ຄວາມຮູ້ ການສຶກສາ ແລະກໍ່ເຊື່ອໃນເຣື້ອງ ການໄປຫາເງິນຈາກ ການເຮັດວຽກໃນ ຕ່າງປະເທດ ຫລາຍກວ່າ ທີ່ຂະເຈົ້າຄິດວ່າ ເຂົາຈະກາຍເປັນ ຄົນຮັ່ງມີໃນ ຫມູ່ບ້ານ ຂອງຕົນເມື່ອກັບ ຄືນມາ.

ກຸ່ມຜູ້ນຳຄອບຄົວ ໃນຂົງເຂດແຫ່ງນັ້ນ ຢາກຮຽກຮ້ອງໃຫ້ ຫນ່ວຍງານທີ່ກ່ຽວຂ້ອງ ຫລືອົງການ Ngo ເຂົ້າໄປໃຫ້ ຄວາມຮູ້ແລະຄວາມ ເຂົ້າໃຈ ໃນບັນຫາເລ໋ື້ອງ ນີ້ ແກ່ລູກຫລານຂອງ ພວກຂະເຈົ້າກ່ອນ ມັນຈະຊ້າເກີນໄປ ດ້ວຍການສົ່ງເສີມ ການຝຶກອາຊິບ ປະເພດຕ່າງໆ ໃນເຂດຫມູ່ບ້ານ ດັ່ງສີນຄ້າ Otop ຫລືອຶ່ນໆ.

ບັນຫາການໂຕນຫນີ ໄປເຮັດວຽກຢູ່ ຕ່າງແດນຂອງ ຄົນລາວ ມີການເຊຶ່ອມໂຍງ ໄປໃສ່ຂະບວນ ການຄ້າມະນຸດ ແລະຄ້າປະເວນີ ໃນຂົງເຂດແລະ ກໍ່ເປັນບັນຫາ ທີ່ຣັຖບານ ຈະຕ້ອງແກ້ໄຂ.

ເຕັມຫນ້າ