ໄທ ວ່າຈະບໍ່ຕໍ່ເວລາ ການພິສູດສັນຊາຕ ຄົນງານຕ່າງດ້າວ

ຣັຖມົນຕຣີ ແຮງງານ ຂອງໄທ ຢືນຢັນວ່າ ຈະບໍ່ມີການ ຕໍ່ເວລາ ຍື່ນເອກກະສານ ພິສູດສັນຊາຕ.
ວຽງໄຊ
2010-02-24
ອີແມວລ໌
ຄໍາເຫັນ
Share
ພິມ

ທ່ານໄພທູນ ແກ້ວທອງ ຣັຖມົນຕຣີ ແຮງງານຂອງໄທ ຢືນຢັນວ່າ ການພິສູດ ສັນຊາຕ ຂອງແຮງງານ ຕ່າງດ້າວ ຈາກປະເທດລາວ ພະມ້າ ແລະກຳພູຊາ ຈະບໍ່ມີການ ຕໍ່ເວລາອອກໄປ ຕາມການຮຽກຮ້ອງ ຂອງປະຊາຊົນ ໝາຍຄວາມວ່າ ແຮງງານຕ່າງດ້າວ ທຸກຄົນ ຕ້ອງຍື່ນເອກສານ ຂໍພິສູດ ສັນຊາຕ ພາຍໃນວັນທີ່ 28 ກຸມພາ:

"ທ່ານໄພທູນ ເວົ້າວ່າ ເບິ່ງການເຮັດ ວຽກກ່ອນ ຖ້າມີບັນຫາ ມີຄວາມຈຳເປັນ ແນວໃດ ກໍວ່າກັນໄປ ບໍ່ແມ່ນວ່າຍັງ ບໍ່ເຫັນບັນຫາ ເຫດຍັງບໍ່ເກີດ ຂຶ້ນເທື່ອ ເຮົາໂລດໄປ ແກ້ໄຂກ່ອນແລ້ວ ຊຶ່ງອັນນີ້ ບໍ່ຈຳເປັນ ເພາະວ່າເຮົາ ຕ້ອງການ ໃຫ້ທຸກຄົນ ມາພິສູດ ສັນຊາຕ ມາສ້າງຄວາມ ເຂົ້າໃຈວ່າ ນາຍຈ້າງກໍໄດ້ ຄົນເຮັດວຽກ ລູກຈ້າງ ກໍໄດ້ວຽກເຮັດ ແບບຖືກຕ້ອງ ຕາມກົດໝາຍ".

ສ່ວນທ່ານ ທະນິດ ໜຸ່ມນ້ອຍ ຜູ້ອຳນວຍການ ສຳນັກງານ ບໍຣິຫານ ແຮງງານຕ່າງດ້າວ ແຫ່ງປະເທດໄທ ເວົ້າວ່າ ຫາກສະຖານ ປະກອບການໃດ ບໍ່ສາມາດ ຂຽນເອກສານ ໃຫ້ແລ້ວ ທັນວັນທີ່ 28 ກຸມພາ ກໍສາມາດຜ່ອນຜັນ ໃຫ້ສົ່ງເອກສານ ພາຍໃນວັນທີ 31 ມີນາ ແຕ່ຈະຕ້ອງ ສະແດງຄວາມ ຈໍານົງ ພາຍໃນວັນທີ່ 28 ກຸມພາ ເຊັ່ນກັນ.

ທ່ານໄພທູນ ກ່າວຕື່ມວ່າ ຂະນະນີ້ ມີແຮງງານ ທີ່ມາຂໍຍື່ນ ຄວາມຈຳນົງ ເຂົ້າຮ່ວມຂະບວນ ການພິສູດ ສັນຊາຕແລ້ວ ເປັນຄົນງານລາວ ປະມານ 58 ພັນຄົນ ຄົນງານພະມ້າ 60 ພັນຄົນ ຄົນງານ ກຳພູຊາ 70 ພັນຄົນ.

ມີການ ຄາດຄະເນວ່າ ໃນປະເທດໄທ ປັດຈຸບັນ ມີແຮງງານລາວ ປະມານ 1 ແສນກວ່າຄົນ ຊຶ່ງໝາຍຄວາມວ່າ ຍັງມີແຮງງານລາວ ຫລາຍກວ່າ 5 ໝື່ນຄົນ ທີ່ຍັງບໍ່ມາ ຍື່ນເອກສານ ເພື່ອພີສູດ ສັນຊາຕ ຍ້ອນເຫດຜົນຕ່າງໆ ເຊັ່ນ ຍັງບໍ່ຮູ້ວ່າ ຕົນຕ້ອງເຂົາຮ່ວມ ຂະບວນການ ດັ່ງກ່າວ ຫລືອາດມີບັນຫາ ຄ່າໃຊ້ຈ່າຍ ເປັນຕົ້ນ.

ເນື່ອງຈາກມີ ຫລາຍພາກສ່ວນ ເປັນຫ່ວງຢ້ານວ່າ ຂະບວນ ການພີສູດ ສັນຊາຕ ທີ່ປະເທດໄທ ດຳເນີນຢູ່ເວລານີ້ ຈະເຮັດໃຫ້ເກີດ ແຮງງານ ຜິດກົດໝາຍ ຫລາຍຂຶ້ນ ແລະອາດຈະ ກໍ່ໃຫ້ເກີດ ການລະເມີດ ສິດທິມະນຸດ ຫລາຍຂຶ້ນນັ້ນ ທ່ານ ໄພທູນ ມີຄວາມເຫັນວ່າ:

"ຖ້າເຮັດຄື ຂ້າພະເຈົາ ເວົ້າມານັ້ນ ການຄ້າມະນຸດ ກໍ່ຈະບໍ່ມີ ແລ້ວແບບທີ່ລັກໜີ ຫລາຍຂຶ້ນນີ້ ຖ້າເຂົ້າໃຈແລ້ວ ກໍຢ່າໄປລັກໜີ ພວກທີ່ມາໃໝ່ ກໍຂໍຢ່າລັກ ເຂົ້າມາ ເພາະຈະມີ ນາຍຈ້າງ ທີ່ຈະໄປຮັບ ຄົນທີ່ຜິດກົດໝາຍ ເຮັດວຽກ".

ທ່ານຄາດວ່າ ການພີສູດສັນຊາຕ ຂອງແຮງງານລາວ ໃນປະເທດໄທ ນັ້ນ ຈະບໍ່ມີບັນຫາ ຫລາຍປານໃດ ເນື່ອງຈາກ ໄດ້ມີການ ປະສານງານ ກັບເຈົາໜ້າທີ່ ຈາກປະເທດລາວ ເຂົ້າມາ ພິສູດສັນຊາຕ ໃຫ້ກັບແຮງງານ ໃນປະເທດໄທ ໄດ້ເລີຍ.

ເຕັມຫນ້າ