ໂສເພນີຕາມຊາຍແດນໄທ

ໂສເພນີ ໃນເຂດເມືອງ ຊາຍແດນ ທີ່ຕິດກັບໄທ ສ່ວນໃຫຍ່ ແມ່ນຜູ້ຍິງສາວ ໄປຈາກລາວ ຕາມລາຍງານ ຂອງອົງການ world vision
ສິດນີ
2010-05-11
ອີແມວລ໌
ຄໍາເຫັນ
Share
ພິມ

ອາຊີບການຄ້າ ປະເວນີ ໃນເຂດພາກອີສານ ຂອງໄທ ໂດຍສະເພາະໃນ ແຂວງມຸກດາຫານ ອຸບົນຣາຊທານີ ນະຄອນພນົມ ພົບວ່າ ມີຍິງລາວຈາກ ແຂວງພາກໃຕ້ໄປ ຂາຍບໍຣິການ ທາງເພດ ໃນຂົງເຂດແຫ່ງນັ້ນ ຫມູນວຽນກັນໄປ ເລີ້ມແຕ່ປີ 2006 ມາຮອດປັດຈຸບັນ ບໍ່ມີແນວໂນ້ມ ວ່າຈະຫລຸດລົງ ອີກຍັງພົບວ່າ ໃນຈຳນວນ ດັ່ງກ່າວ ຍັງມີເດັກນ້ອຍ ອາຍຸຣະຫວ່າງ 14 ຫາ 20 ປີ ຮ່ວມຢູ່ນຳອີກ. ເຈົ້າຫນ້າທີ່ຈາກ World vision ທ່ານນຶ່ງເວົ້າວ່າ: ຕອນນີ້ ມີຢູ່ 60-70% ເປັນສາວລາວ ທີ່ຂ້າມມາ ແບບເຮັດໜັງສື ຜ່ານແດນຊົ່ວຄາວ ຢູ່ 3 ວັນ 2 ຄືນ ບາງທີກໍເຂົ້າມາ ແບບຜິດກົດຫມາຍ ໃຊ້ເຮືອນ້ອຍ ທີ່ຢູ່ຝັ່ງລາວທາງພູ້ນ ຂີ່ມາ ບາດແລ້ວວຽກ ກໍ່ຂີ່ກັບ.

ທ່ານກ່າວຕໍ່ໄປວ່າ ໃນບໍຣິເວນ ແຂວງມຸກດາຫານ ສາວລາວສ່ວນໃຫຍ່ ແມ່ນຂ້າມມາຈາກ ແຂວງສວັນນະເຂດ ອາຍຸຣະຫວ່າງ 14-20 ປີ ເຂົ້າມາຂາຍ ບໍຣິການທາງ ເພດ ທີ່ແຂວງມຸກດາຫານ ຂອງໄທ ເພາະໄດ້ເງິນດີ ພໍສົມຄວນຄັ້ງລະ 1,000 ຫາ 1,500 ບາດ ເຮັດໃຫ້ ຜູ້ສາວລາວ ຕາມຊາຍແດນ ທີ່ທຸກຍາກ ພາກັນຫລັ່ງໄຫລ ເຂົ້າມາໄທ ແລະແຂກຜູ້ມາໃຊ້ ບໍຣິການ ກໍ່ມີມາຢ່າງ ຕໍ່ເນື່ອງ ມີຄວາມ ຕ້ອງການສູງ. ຜູ້ຍິງລາວບາງຄົນ ຍັງບໍ່ພົ້ນກະສຽນ ອາຍຸຣະຫວ່າງ 14 ປີ ຄາດວ່າ ມີຢູ່ປະມານ 50 ສ່ວນຮ້ອຍ ຂອງກຸ່ມຄ້າປະເວນີ ທັງຫລາຍ.

ທ່ານຍັງບອກອີກວ່າ ບັນຫາການຄ້າ ປະເວນີ ຕາມແນວຊາຍແດນ ຣະຫວ່າງສອງປະເທດ ຍັງບໍ່ໄດ້ຮັບ ການແກ້ໄຂຈາກ ຫນ່ວຍງານໃດເທື່ອ ຍ້ອນເຈົ້າຫນ້າທີ່ ທ້ອງ ຖີ່ນ ຮັບສີນບົນ ຈາກນາຍຫນ້າ ຈຶ່ງບໍ່ມີການ ແກ້ໄຂບັນຫາ ຢ່າງຈິງຈັງ ສ່ວນເຈົ້າຫນ້າທີ່ ຈາກອົງການ NGO ນັ້ນ ກໍ່ເຮັດໄດ້ແຕ່ ພຽງເກັບກຳຂໍ້ມູນ ເພື່ອໃຫ້ຄວາມຮູ້ ແລະ ຄວາມເຂົ້າໃຈເຖິງ ອັນຕຣາຍ ທີ່ຈະເກິດຂຶ້ນ ແກ່ພວກຂະເຈົ້າ ເທົ່ານັ້ນ.

ເຕັມຫນ້າ