ສະຫະພັນການຄ້າເຂົ້າ 5 ປະເທດອາຊ໊ຽນ

ທ່ານ ຢານຢົງ ພວງຣາດ ຣັຖມົນຕຣີ ກະຊວງການຄ້າໄທ ກ່າວວ່າ ປະເທດໄທ ຈະຮ່ວມກັບ ສະມາຊິກ ອາຊ໊ຽນ 4 ປະເທດ ໃນການສ້າງຕັ້ງ ສະຫະພັນ ການຄ້າເຂົ້າ ໃນຈຸດປະສົງ ເພື່ອຍົກຣະດັບ ຣາຄາ ເຂົ້າສານ ໃນຂົງເຂດ.

ກ່ອນຈະຮອດ ກອງປະຊຸມ ສຸດຍອດອາຊ໊ຽນ ໃນເດືອນຕຸລາ ຣັຖມົນຕຣີ ການຄ້າ ຈາກ 5 ປະເທດ ອາຊ໊ຽນ ມີ ໄທ ວຽດນາມ ລາວ ພະມ້າ ແລະ ກຳພູຊາ ຈະໄດ້ ປຶກສາຫາລື ກ່ຽວກັບ ການສ້າງຕັ້ງ ສະຫະພັນ ການຄ້າເຂົ້າ ໃນຂົງເຂດ.

ທັງ 5 ປະເທດດັ່ງ ໃນປັດຈຸບັນ ໄດ້ສົ່ງເຂົ້າສານ ໄປຂາຍ ໃນຕລາດໂລກ ແຕ່ລະປີ ປະມານ 20 ລ້ານຕັນ ຊຶ່ງໃນ ອັດຕຣາສ່ວນ ສອງສ່ວນສາມ ຂອງ ປາຣີມານ ເຂົ້າທັງຫມົດ 30 ລ້ານຕັນ ທີ່ຂາຍ ໃນຕລາດໂລກ ໃນປັດຈຸບັນ.

ທ່ານ ຢານຢົງ ເຊື່ອວ່າ ສະຫະພັນ ການຄ້າເຂົ້າ ທີ່ຈະຕັ້ງຂື້ນນີ້ ຈະຊ່ອຍຍົກ ຣະດັບ ຄຸນນະພາບ ແລະ ມູນຄ່າ ຂອງເຂົ້າ ໃນຂົງເຂດເອເຊັຽ. ທ່ານ ຫມັ້ນໃຈວ່າ ສັນຍາ ການຄ້າເສຣີ ໃນອາຊ໊ຽນ ໃນອະນາຄົດ ຈະເພີ້ມປາຣິມານ ການຂາຍເຂົ້າ ແລະ ມູນຄ່າ ຂອງເຂົ້າຈາກ 5 ປະເທດ ໃຫ້ຫລາຍຂຶ້ນ.

ປະເທດໄທ ຍັງເປັນປະເທດ ທີ່ສົ່ງເຂົ້າອອກຂາຍ ລາຍໃຫຍ່ ໃນປະຊາຄົມ ອາຊ໊ຽນ ລອງລົງມາ ແມ່ນວຽດນາມ ໃນອະນາຄົດ ພະມ້າ ແລະ ກຳພູຊາ ອາດຈະມາຊິງ ຕ່ຳແຫນ່ງ ແຕ່ສໍາລັບ ສປປລາວ ຍັງໄກຢູ່.