ພະຍຸຣະດູຮ້ອນ Haima

ພະຍຸ Haima ສົ່ງຜົລ ເສັຽຫາຍ ຢ່າງໃຫຍ່ ໃສ່ເນື້ອທີ່ ການກະເສຕ ໃນ ແຂວງ ຊຽງຂວາງ.
ມະນີຈັນ
2011-06-29
ອີແມວລ໌
ຄໍາເຫັນ
Share
ພິມ
ພະຍຸຣະດູຮ້ອນ Haima ທໍາລາຍບ້ານເຮືອນ ທາງພາກກາງ ຂອງວຽດນາມ ທີ່ເປັນເຂດ ຕິດກັບແຂວງ ຊຽງຂວາງ ຂອງລາວ
ພະຍຸຣະດູຮ້ອນ Haima ທໍາລາຍບ້ານເຮືອນ ທາງພາກກາງ ຂອງວຽດນາມ ທີ່ເປັນເຂດ ຕິດກັບແຂວງ ຊຽງຂວາງ ຂອງລາວ
nhandan

ກົດຟັງສຽງ

ພື້ນທີ່ ການກະເສຕ ໃນແຂວງ ຊຽງຂວາງ ໄດ້ຮັບ ຄວາມເສັຽຫາຍ ຈາກພະຍຸ Haima ແຕ່ວັນທີ 24 ຫາ 26 ມີຖຸນາ ທີ່ຜ່ານມາ ເຮັດໃຫ້ ໄຮ່ນາ ຂອງ ຊາວນາ ຫລາຍແຫ່ງ ຈົມຢູ່ນໍ້າ. ໃນເວລານີ້ ບາງບ່ອນ ນໍ້າກໍຍັງ ບໍ່ລົດລົງ.  ເຈົ້າໜ້າທີ່ ຂແນງ ປູກຝັງ ແຂວງ ຊຽງຂວາງ ກ່າວວ່າ:

"ກໍາລັງ ລົງໄປເອົາ ຂໍ້ມູລ ນ໋າດຽວນີ້ໜີ້ ເພາະວ່າ ບາງບ່ອນ ນໍ້າຍັງຖ້ວມຢູ່ ກໍເຫັນວ່າ ມີຜົລ ກະທົບ ຮ້າຍແຮງ ພໍສົມຄວນ ໃນປີນີ້ ນະເນາະ ປະມານ 700 ເອັກຕາຣ ເນາະ ຖືວ່າ ໃນຮອບຫລາຍ 10 ປີ ຮັ້ນແຫລະ ເພາະວ່າ ບໍ່ເຄີຍເກີດ ແຮງຈັ່ງຊີ້ ຢູ່ແຂວງ ຊຽງຂວາງ".

ທາງຂແນງ ປູກຝັງ ໄດ້ລົງ ເກັບກໍາ ຂໍ້ມູລ ຄວາມເສັຽຫາຍ ຂອງຊາວ ກະເສຕກອນ ແຕ່ກໍຍັງມີ ອຸປສັກ ເພາະບາງ ພື້ນທີ່ ນໍ້າຍັງຖ້ວມ ຢູ່. ຕາມການ ຄໍານວນ ເບື້ອງຕົ້ນ ຄາດວ່າ ເນື້ອທີ່ນາ ເສັຽຫາຍ 700 ເອັກຕາຣ ເປັນຢ່າງໜ້ອຍ, ປະຊາຊົນ 60 ພັນ ກວ່າຄົນ ໄດ້ຮັບ ຜົນເສັຽຫາຍ, ບ້ານເຮືອນ ທີ່ຢູ່ໃກ້ ກັບແມ່ນໍ້າ ແລະ ໃນເນື້ອທີ່ ຕໍ່າ ໄດ້ຮັບ ຄວາມເສັຽຫາຍ ເຊັ່ນກັນ ແຕ່ເສັຽຫາຍ ບໍ່ຫລາຍ ຖ້າທຽບໃສ່ ກັບເນື້ອທີ່ ນາ. ພື້ນທີ່ທີ່ ໄດ້ຮັບຜົລ ກະທົບ ສ່ວນໃຫຍ່ ເປັນພື້ນທີ່ ນາ ຮອງລົງມາ ກໍເປັນພື້ນທີ່ ປູກ ເຂົ້າສາລີ ຊຶ່ງຄາດວ່າ ຄົງຕ້ອງໄດ້ ປູກໃໝ່ໝົດ.  

ມາຮອດ ເວລານີ້ ທາງຂແນງ ປູກຝັງ ແຂວງ ຊຽງຂວາງ ໄດ້ຕຽມ ຂໍແນວພັນພືດ ຈາກ ກະຊວງ ກະສິກັມ ແລະ ປ່າໄມ້ ເພື່ອນໍາມາ ແຈກຢາຍ ໃຫ້ກະເສຕກອນ ປູກ ແລະ ຄາດວ່າຈະຕ້ອງ ໃຊ້ງົບປະມານ ຫລາຍສົມຄວນ ເພື່ອຟື້ນຟູ ພື້ນທີ່ ເພາະປູກ ໃຫ້ກັບຄືນ ສູ່ສະພາບ ເດີມໄດ້.

ເຕັມຫນ້າ