ຄ່າປິ່ນປົວແພງເປັນ ອັນຕຣາຍຕໍ່ເສຖກິຈ

ໃນເວລານີ້ຄ່າປິ່ນປົວແລະຮັກສາສຸຂພາບເປັນບັນຫາເດືອດຮ້ອນຢູ່ໃນປະເທດ ເສຖກິຈກ້າວໜ້າ.ບັນຫານີ້ສາມາດເຮັດໃຫ້ເກີດວິການດ້ານການເງິນໄດ້ຖ້າຫາກ ວ່າບໍ່ຄວບຄຸມ.ຕາມທີ່ກອງທືນສາກົນIMFໄດ້ກ່າວຕັກເຕືອນໃນວັນອັງຄານນີ້.

ກອງທືນIMFວ່າຫລາຍປະເທດໄດ້ຕັດສີນໃຈຄວບຄຸມແລະຕັດຮອນຄ່າປິ່ນປົວ ສຸຂພາບໂດຍທີ່ເຮັດໃຫ້ປະຊາຊົນໄດ້ຮັບການປິ່ນປົວສຸຂພາບເປັນຢ່າງດີຄືເກົ່າແຕ່ ກໍຍັງເຫັນວ່າບໍ່ພຽງພໍແລະຈະຕ້ອງໄດ້ຕັດຮອນລາຍຈ່າຍໃນພາກສ່ວນອື່ນໆເພື່ອ ເຮັດໃຫ້ງົບປະມານປະຈໍາປີມີສະເຖັຽຣະພາບ.

ຢູ່ໃນລາຍງານຂອງIMFກ່ຽວກັບຖານະການເງິນດ້ານຮັກສາສຸຂພາບໃນທົ່ວໂລກ ທີ່ເປີດເຜີຽໃນວັນອັງຄານນີ້IMFເຕືອນວ່າຫລາຍປະເທດທີ່ຮັ່ງມີໃຊ້ຊີວິດການເປັນ ຢູ່ເກີນຂອບເຂດງົບປະມານປະຈໍາປີ-ໃນລະຍະຍາວຂອງຕົນໂດຍສະເພາະກ່ອນ ໜ້າວິກິດການດ້ານການເງິນແລະເສຖກິດປີ2008-2009.

ໜີ້ສີນສະເລັ່ຽສໍາລັບ29ປະເທດທີ່ພັທນາແລ້ວມີເຖິງ97%ຂອງຜົນຜລິດລວມຍອດ ຂອງປະເທດແລະ103%ສໍາລັບກຸ່ມ20ປະເທດທີ່ມີເສຖກິດກ້າວໜ້າ.

ເພື່ອຈະເຮັດໃຫ້ໜີ້ສີນຫລຸດລົງຢູ່ໃນລະດັບ60%ຂອງຜົນຜລິດລວມຍອດຂອງປະ ເທດພາຍໃນປີ2020ນີ້-ຫລາຍປະເທດຈໍາເປັນຕ້ອງເລີ້ມຕັດຮອນລາຍຈ່າຍລົງ ຢ່າງເດັດຂາດ.

ປະເທດທີ່ມີໜີ້ສີນຢູ່ໃນລະດັບສູງເຊັ່ນ:ຍີ່ປຸ່ນ,ອາຍເຣີແລັນ,ສະຫະຣັດອະເມຣິກາ ກຣີສແລະອື່ນໆຈະຕ້ອງຫລຸດການຂາດດຸນງົບປະມານປະຈໍາປີລົງໃຫ້ ໄດ້10%ຂອງຜົນຜລິດລວມຍອດຂອງປະເທດຕົນພາຍໃນສິບປີຂ້າງໜ້າ.