ມີຜູ້ສມັກເລືອກຕັ້ງ ຈາກນອກວົງການພັກ

ການເລືອກຕັ້ງ ເອົາສະມາຊິກ ສະພາ ແຫ່ງຊາດ ໃນລາວ ເທື່ອນີ້ ຈະມີ ຜູ້ສມັກ ທີ່ເປັນ ເອກຣາຊ ເຂົ້າຮ່ວມ ຊື່ງ ສ່ວນໃຫຍ່ ຈະເປັນ ນັກທຸຣະກິດ ແລະ ນັກວິຊາການ.
ສິດນີ
2011-04-28
ອີແມວລ໌
ຄໍາເຫັນ
Share
ພິມ

ກົດຟັງສຽງ

ເຈົ້າຫນ້າທີ່ ຮັບຜິດຊອບ ກ່ຽວກັນ ເລືອກຕັ້ງ ຈາກ ສະພາ ແຫ່ງຊາດ ທ່ານນື່ງ ເວົ້າວ່າ: ການເລືອກຕັ້ງ ເອົາ ສະມາຊິກ ສະພາ ແຫ່ງຊາດ ຊຸດທີ 7 ທີ່ມີກຳນົດ ຂື້ນ ໃນວັນທີ 30 ເມສາ ທີ່ຈະ ຄັດເລືອກເອົາ ສະມາຊິກ ສະພາ ແຫ່ງຊາດ ທັງຫມົດ ໃນທົ່ວ ປະເທດ ໃນນັ້ນ ຈະມີ ຜູ້ສມັກ ທີ່ເປັນ ເອກຣາຊ ເຂົ້າຮ່ວມນຳ ໃນບາງ ແຂວງ ດັ່ງທ່ານເວົ້າວ່າ: --ສຽງ--

ທ່ານວ່າ ຜູ້ສມັກ ທີ່ເປັນ ເອກຣາຊນັ້ນ ສ່ວນໃຫຍ່ ຈະເປັນນັກ ທຸຣະກິດ, ນັກລົງທືນ ຫລື ນັກວິຊາການ ຜູ້ທີ່ບໍ່ໄດ້ ສັງກັດ ແລະ ກໍ່ບໍ່ໄດ້ ເປັນສະມາຊິກ ພັກ ແຕ່ຢາກເຂົ້າ ມາສມັກເພື່ອ ມາຊ່ອຍ ພັທນາ ປະເທດຊາດ ທ່ານກ່າວ ເພີ້ມອີກວ່າ: --ສຽງ--

ຄວາມຄືບຫນ້າ ໃນການ ເລືອກຕັ້ງເອົາ ສະມາຊິກ ສະພາ ແຫ່ງຊາດ ຊຸດທີ່ 7 ໃນລາວ ທີ່ຈະມີຂື້ນ ໃນວັນທີ 30 ເມສາ ປີນີ້ ໃນປັດຈຸບັນ ບັນດາ ຜູ້ສມັກ ຈາກແຂວງຕ່າງໆ ກໍ່ພາກັນ ລົງຫາສຽງ ດ້ວຍການ ໂຄສະນາ ໂອ້ລົມ ປະຊາຊົນ ໃນແຂວງ ຂອງຕົນເອງ. ພໍ່ບ້ານ ໃນແຕ່ລະບ້ານ ຈະເປັນຜູ້ ແນະນຳ ປະຊາຊົນ ໃນການ ປ່ອນບັດ ເພື່ອຄວາມ ເປັນຣະບຽບ ຮຽບຮອຍ. ປະຊາຊົນ ສ່ວນໃຫຍ່ ກໍ່ບໍ່ຕື່ນເຕັ້ນ ພໍປານ ໃດ ກ່ຽວກັບ ການເລືອກຕັ້ງ ໃນລາວ ໃນແຕ່ ລະຄັ້ງ.

ເຕັມຫນ້າ