ເຂື່ອນປາກແບງ ກະທົບພົມແດນ 2 ປະເທດ

ຫຼັງຈາກ ທີ່ຣັຖບານລາວ ແລະ ບໍຣິສັດ ຕ້າຖັງ ຂອງຈີນ ຍອມເຊົາການກໍ່ສ້າງ ເຂື່ອນປາກແບງ ຊົ່ວຄາວ, ຊຶ່ງກ່ອນໜ້ານີ້ ໃນປີ 2019 ມີແຜນຈະສ້າງ ໃສ່ແມ່ນ້ຳຂອງ ຢູ່ເມືອງປາກແບງ ແຂວງອຸດົມໄຊ ແຕ່ຍ້ອນການສຶກສາ ທີ່ບໍ່ຄວບຄຸມ ຢ່າງຮອບດ້ານ ແລະ ບໍ່ມີຄວາມໂປງໃສນັ້ນ, ປັດຈຸບັນ ໂຄງການເຂື່ອນດັ່ງກ່າວ ກຳລັງຈະຖືກ ນຳຂຶ້ນມາສືບຕໍ່ ອີກເທື່ອນຶ່ງ ໂດຍບໍຣິສັດ ກັລຟ໌ ເອັນເນີຣ໌ຈີ ດີວີລ໊ອບມັນຕ໌ (Gulf Energy Development) ຂອງໄທຍ ທ່າມກາງສຽງຄັດຄ້ານ ຂອງປະຊາຊົນ, ອົງການສາກົລ ແລະນັກວິຊາການ ດ້ານສິ່ງແວດລ້ອມ ໃນໄທຍ ທີ່ເຫັນວ່າ ເຂື່ອນແຫ່ງນີ້ ຈະເຮັດໃຫ້ເກີດ ບັນຫາ ຂໍ້ຂັດແຍ່ງເຣື່ອງພົມແດນ ລະຫວ່າງລາວ ແລະໄທຍ, ຊຶ່ງຈະກະທົບ ເຖິງຄວາມສັມພັນ ຂອງຊາຕ ໃນອະນາຄົຕ.