ວີດີໂອ

ຣົຖໄຟລາວ-ຈີນ ເຣີ່ມເປີດບໍຣິການທົ່ວໄປ

2021-12-07

ຣົຖໄຟລາວ-ຈີນ ໄດ້ເຣີ່ມເປີດບໍຣິການທົ່ວໄປ ນັບຕັ້ງແຕ່ວັນທີ 4 ທັນວາ 2021, ເຊິ່ງກໍໄດ້ຮັບຄວາມສົນໃຈ ຢ່າງຄັບຄາໜາແໜ້ນ ຈາກຊາວລາວບັນດາເຜົ່າ ໃນບັນດາແຂວງທີ່ມີຣົຖໄຟຜ່ານ. ໃນເບື້ອງຕົ້ນ, ຣົຖໄຟລາວ-ຈີນ ໄດ້ເປີດໃຫ້ບໍຣິການໃນບາງສະຖານີເທົ່ານັ້ນ ເປັນຕົ້ນວ່າ ສະຖານີກາງ ນະຄອນຫຼວງວຽງຈັນ, ໂພນໂຮງ, ຫຼວງພຣະບາງ, ເມືອງໄຊ, ນາໝໍ້ ແລະ ບໍ່ເຕັນ. ການຈອງປີ້ຣົຖໄຟ ຍັງບໍ່ທັນໃຫ້ຈອງລ່ວງໜ້າ ແບບຂ້າມຫຼາຍມື້ ຫຼືເປັນສັປດາເທື່ອ, ແຕ່ຜູ້ໂດຍສານ ສາມາດຈອງປີ້ຣົຖໄຟ ໄດ້ພຽງແຕ່ 1 ມື້ ກ່ອນການເດີນທາງ ຫຼືຊື້ປີ້ຣົຖໄຟ ທີ່ສະຖານີເລີຍ ຢ່າງໜ້ອຍ 30 ນາທີ ກ່ອນຈະອອກເດີນທາງ ຖ້າຫາກຍັງມີປີ້ເຫຼືອ ແລະ ບ່ອນນັ່ງບໍ່ຖືກຈອງ.