ວີດີໂອ

ໃນວັນທີ 12 ພຶສຈິກາ ປີ 2022 ທີ່ຫາກໍ່ຜ່ານນີ້, ບັນດາອົງການຈັດຕັ້ງພາກປະຊາສັງຄົມ ແລະ ເຄືອຂ່າຍລຸ່ມແມ່ນ້ຳຂອງ ໄດ້ຈັດງານຣຳລຶກ ເຖິງຄຸນງາມຄວາມດີ ຂອງທ່ານ ສົມບັດ ສົມພອນ ໃນວາຣະໃກ້ຈະຮອດ 10 ປີເຕັມ ທີ່ທ່ານຖືກກຸ່ມຄົນບໍ່ດີລັກພາໂຕ ແລ້ວຖືກບັງຄັບໃຫ້ຫາຍສາບສູນໄປ ໃນນະຄອນຫຼວງວຽງຈັນ. ງານດັ່ງກ່າວ ຈັດຂຶ້ນທີ່ມູລນິທິ ສະຖຽນໂກເສດ ນະຄອນຫຼວງບາງກອກ ປະເທດໄທຍ ກໍເພື່ອເປັນການສະແດງໃຫ້ເຫັນ ເຖິງສິ່ງທີ່ທ່ານ ສົມບັດ ສົມພອນ ໄດ້ສ້າງໄວ້ ເພື່ອໃຫ້ທຸກຄົນຮູ້ຄຸນຄ່າ ຂອງການເພິ່ງພາໂຕເອງ ຜ່ານວິຖີຊີວິຕ ຕິດພັນກັບການກະເສຕ ທີ່ຍືນຍົງ ແລະ ຊາວໜຸ່ມ ທັງໃນລາວ ແລະ ໃນທົ່ວໂລກ ຄວນຮຽນຮູ້ເອົາເປັນແບບຢ່າງ.