ອົງການສັດປ່າສາກົລ ຂຍາຍກິຈກັມ ອະນຸຮັກສາຍພັນສັດນ້ຳ ໃນແມ່ນ້ຳຂອງ

ອົງການສັດປ່າສາກົລ ຫລື WWF ສືບຕໍ່ກິຈກັມອະນຸຮັກ ສາຍພັນສັດນ້ຳ ຢູ່ໃນແມ່ນ້ຳຂອງ ໂດຍການຈັດກິຈກັມ ປູກຈິດສຳນຶກ ໃຫ້ປະຊາຊົນທົ່ວໄປ ແລະຣັຖບານ ໃນປະເທດລຸ່ມແມ່ນ້ຳຂອງ ເພື່ອໃຫ້ຄວາມສຳຄັນ ກັບການສູນພັນຂອງປາ ໃນນ້ຳຂອງທີ່ມີສາເຫດໃຫຍ່ ມາຈາກການສ້າງເຂື່ອນ ກັ້ນແມ່ນ້ຳຂອງ ແລະສະພາວະໂລກຮ້ອນ ທີ່ກຳລັງເກີດຂຶ້ນໃນເວລານີ້ ຜ່ານງານສິລປະຕ່າງໆ ເປັນຕົ້ນ ພາບຖ່າຍ, ຮູບແຕ້ມ ໃນລະຫວ່າງມື້ວັນທີ່ 11-14 ສິງຫາທີ່ຜ່ານມາ. ອົງການ WWF ໄດ້ຈັດງານອະນຸຮັກ ນ້ຳຂອງ ທີ່ຈັດສະແດງ ຜ່ານງານສິລປະ ເປັນຄັ້ງທຳອິດ ຄືງານສັປດາແມ່ນ້ຳຂອງ-ມານດາແຫ່ງສາຍນ້ຳ ຢູ່ແຂວງໜອງຄາຍ ປະເທດໄທຍ.