Amérikining mudapi'e istratégiyisi we xitay

Bu maqalini Istratégiyilik chüshenchiler institutining mutexessisi doktor erkin ekrem yazghan.

Doktor erkin ekrem maqalisini mundaq bashlighan: 2012‏-yilining tunji heptiside amérika dölet re'isi barak obama, yéngi herbiy istratégiyisini élan qildi. 2012‏-Yili 1‏-ayning 5-küni prézidént obama, amérika mudapi'e ministiri li'on panétta, amérika générali martén dépsiy we bashqa aliy derijilik herbiy emeldarlar bilen péntagonda ötküzülgen axbarat élan qilish yighinida, amérikining yéngi herbiy istratégiyisini élan qildi.

Prézidént obama sözining béshida, amérika herbiy küchlirining hazirqi yershari weziyitide amérikining erkinlik we bixeterlikini qoghdaydighan eng taqetlik küch ikenlikini we bu küchning herbiy telim -terbiye, bashchiliq qabiliyiti hem qoral -yaraq saheside dunyadiki eng zamaniwi hem zamaniwi qoralgha ige ikenlikini bildürdi.

Maqalide ilgiri sürülüshiche, amérika asiya-tinch okyandiki mewjutluqini küchlendüridu. Xamchotning kémeytilishi muhim sahelerdiki küchini ajizlashturghanliq hésablanmaydu. Amérika shimaliy atlantik ehdi okyan teshkilati qatarliq ittipaqdashliri bilen hemkarliqni kücheytidu.

Erkin ekrem bu maqaliside amérika-xitay munasiwetliri we amérikining asiya-tinch okyan rayoni siyasiti shuningdek xitay mutexessislirining amérikining yéngi herbiy istratégiyisi heqqidiki qarashliri heqqidiki öz köz qarashlirini otturigha qoyidu.

Tepsilatini yuqiridiki awaz ulinishidin anglang.