Uyghurlarning kelgüsi heqqide mulahize

Mutexessislerning qarishiche, her qandaq bir millet özlirining kelgüsi heqqide addiy chüshenche bilen bolsimu chongqur oylinishi mumkin. Chünki her qandaq bir milletning teqdiri bir rayonning bir xelqining bir a'ilining bir shexsning kelgüsi bilen zich munasiwetlik.
Muxbirimiz arislan
2010.09.08
Dr-Erkin-Ekrem-sozde-305 Süret, doktor erkin ekrem ependi istanbulda échilghan "uyghur pen ‏- maaripining bügüni we kelgüsi tereqqiyati" dégen témida ötküzülgen ilmi muhakime yighinida "uyghurlarning kelgüsi heqqide mulahize" dégen témida söz qiliwatqan körünüsh.
RFA Photo / Arslan

Uyghurlarning kelgüsi heqqide oylinish meyli Uyghur tetqiqatchilar bolsun, meyli chet'ellik mutexessisler bolsun uzundin buyan qiziqip kéliwatqan muhim bir nuqta.
 
Yéqinda istanbulda échilghan "Uyghur pen ‏- ma'aripining bügüni we kelgüsi tereqqiyati" dégen témida ötküzülgen ilmi muhakime yighinida söz qilghan doktor erkin ekrem ependi, Uyghurlarning kelgüsi heqqide mulahize dégen témida toxtaldi.

Doktor erkin ekrem ependi Uyghurlarning kelgüsi heqqide toxtilip mundaq dédi: "Uyghur mesilisi xelq'arada kündin kün'ge küchiyiwatidu, Uyghur mesilisi türkiye bilen xitayning munasiwetlirini buzalaydighan, kanadagha oxshash chong döletlerning ministirliri tilgha alidighan mesilige aylandi. Emma Uyghurlar ajiz bolghachqa bu xelq'ara pursettin paydilinishta netijisiz qéliwatidu."

Doktor erkin ekrem ependi sözide yene Uyghurlar musteqilliqni telep qilsa xelq'araning qollishigha érishelmeydighanliqining seweblirini üstide toxtaldi. Uningdin bashqa yene Uyghur mesilisi bilen sherqiy türkistan mesilisining oxshashmasliq perqliri üstide pikir yürgüzdi.
 
Doktor erkin ekrem ependi sözide yene musteqilliq yolida üch xil usulning mewjutluqini otturigha qoyup, sherqiy türkistanning musteqilliqida qaysi xil usulning netijilik bolidighanliqini ipadilidi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.