Amérikida tunji nöwetlik "Xelq'ara Uyghur tarixi, medeniyiti we jem'iyiti tetqiqati" ilmiy muhakime yighini échildi

Muxbirimiz ümidwar
2014-09-25
Share
xelqara-uyghur-tarixi-medeniyiti-we-jemiyiti-tetqiqati-shawn.jpg Uyghurshunas shawn robérts ependi tunji nöwetlik "Xelq'ara Uyghur tarixi, medeniyiti we jem'iyiti tetqiqati" ilmiy muhakime yighinigha riyasetchilik qildi. 2014-Yili 25-séntebir, washin'gton.
RFA

25-Séntebir küni etigende amérika paytexti washin'gtondiki jorj washin'gton uniwérsitétida "Tunji nöwetlik xelq'ara Uyghur tarixi, medeniyiti we jem'iyiti tetqiqati" namliq ilmiy muhakime yighini resmiy bashlandi.

Jorj washin'gton uniwérsitéti yawropa, rusiye we yawro-asiya tetqiqat institutining sahibxaniliq qilishi bilen échilghan mezkur yighin üch kün dawam qilidu. Yighin'gha amérika, en'gliye, firansiye, gérmaniye, türkiye qatarliq döletlerdin kelgen köp sandiki tetqiqatchilar, alimlar we axbarat xadimliri bolup 100 ge yéqin kishi qatnashti.

Yighinning échilish murasimigha jorj washin'gton uniwérsitétining proféssori, Uyghurshunas shawn robérts ependi riyasetchilik qildi. Dunya Uyghur qurultiyining re'isi rabiye qadir xanim, erkinlik sariyining bashliqi dawid kreymir, xelq'ara kechürüm teshkilati asiya ishliri bölümi diréktori ti kumar ependi qatarliqlar yighin'gha qatnashti we tebrik sözi qildi. Ular sözide, xitay hökümitining Uyghurlargha qaratqan bésimi mislisiz kücheygen weziyette échilghan bu yighinning, Uyghur dawasini dunyagha tonuyushta muhim ehmiyetke ige ikenlikini qeyt qilishti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet