Аратүрк наһийәсиниң маарипи, қәдимки излири вә йәрликтики иҗтимаий һаят һәққидә бир йеза башлиқи билән сөһбәт

Мухбиримиз қутлан
2015-03-05
Share
Qarliq-tagh-Qomul-shehiri-Tomurti-kenti-1.jpg "қарлиқ тағ" дин еқип кәлгән ғол еқинниң қумул шәһири қизиляр кәнтидин еқип өткән бөлики. 2008-Йил.
RFA/Qutlan

Алдинқи күни аратүрк наһийәси тухоло йезисиниң йеза башлиқи зияритимизни қобул қилип мәзкур наһийәниң муһит, байлиқ вә су мәнбәлири җәһәтләрдә дуч кәлгән бир қисим мәсилиләр һәққидә мәлумат бәргән иди.

Бүгүнки зияритимиз давамида у аратүрк наһийәсидә "қош тиллиқ маарип" ниң асасән дегүдәк омумлашқанлиқини, һәтта наһийә әтрапидики йезилардиму "қош тиллиқ йәсли" ләрниң қурулғанлиқини баян қилди. У мәзкур наһийәдә "қош тиллиқ маарип" ниң омумлишиш әһвалиниң уйғур аптоном райони бойичә алдинқи орунда туридиғанлиқини билдүрди.

Мәлум болушичә, 1996-йилидин башлап тағлиқ наһийә аратүрктики уйғур деһқан-чарвичилар қумул шәһири әтрапидики боз дала билән аратүрк наһийәсиниң ном ойманлиқи әтрапидики түзләңликкә көчүрүлүшкә башлиған. Буниң билән бу йәрдә әслидин давамлишип келиватқан әнәниви йерим деһқанчилиқ вә йерим чарвичилиқ игилик шәклидә җиддий өзгиришләр йүз берип, қәдимий кәнт-мәһәллиләрдики әнәниви һаят тарқақлаштурулған. Түзләңликтики ечиш районлирида йеңичә игилик вә һаят шәкли пәйда болушқа башлиған.

Зияритимиз давамида у йәнә тухоло йезиси тәвәсидин байқалған адәм билән ат һәмдәпнә қилинған қәдимки қәбриләр вә униң қезилиш әһвали һәққидә бир қисим мәлуматларни бәрди.

Ахирида у аратүрк наһийәсидә йәрлик хәлқни сиясий вәзипә сүпитидә аталмиш "кичик алма уссули" ойнашқа салидиған ишларниң йоқлуқини, буни йәрлик хәлқниңму қәтий қобул қилмайдиғанлиқини тәкитлиди.

Тәпсилатини аваз улиништин аңлиғайсиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт