Uyghur yash: xitay da'iriliri Uyghur perzentlirige sistémiliq suyiqest qiliwatidu
2015.09.29
Uyghur diyarida Uyghur perzentlirining yoqap kétish ehwali normal ehwalgha aylinip qaldi. Yéqinda xitay da'irilirining her xil uchur wasitiliride bala yitip kétishke da'ir élanlarni bermeslik, bérishke toghra kelsimu munasiwetlik orunlarning testiqlishi bilen bérish, eger xilapliq qilghuchilar körülse, ulargha chare körüsh qatarliq belgilimilerni chiqirip yoqap ketken perzentlerning izdesh wasitilirighimu cheklime qoyghan idi.
Yéqinda wetendin chiqip türkiyede yashawatqan bir Uyghur yash, Uyghur diyarida Uyghur perzentlirining yoqap kétish ehwalida xitay da'irilirining qara qoli barliqini ilgiri sürdi.
U özining wetendiki waqtida shahit bolghan bezi weqelerni sözlep, buning adettiki bala yoqap kétish emes, belki pilanliq halda élip bériliwatqan ehwal ikenlikini, buninggha Uyghur jem'iyitining jiddiy qarishi kéreklikini otturigha qoydi.
Ismini ashkarilashni xalimighan, ziyaritimizni qobul qilghan bir Uyghur yash ürümchide yer asti diniy mektepte oqudi dep késilgen 9 yashliq we 6 yashliq ikki Uyghur perzentining weqesini anglatti.
Axirida u, Uyghur perzentlirining oghrilinishla emes, belki sistémiliq halda ménge yuyush herikitigimu duch kéliwatqanliqini eskertti.