Uyghur naxsha-muzika tetqiqatchisi elis andérsonning 2018-yildiki Uyghur diyari ziyariti (1)

Nöwette indiyana uniwérsitétida muzika we folklor tetqiqati boyiche doktorluq aspirantliqida oquwatqan elis andérson xanim dutar bilen naxsha orunlimaqta. (Waqti we orni éniq emes)

Elis andérson: “Uyghur momay manga ‛burunqi ürümchi yoq, bizni yoqitiwatidu‚ dédi”

Nöwette indiyana uniwérsitétida muzika we folklor tetqiqati boyiche doktorluq aspirantliqida oquwatqan elis andérson xanim 2012-yildin 2016-yilghiche ürümchide Uyghur tili we Uyghur naxsha-muzikilirini öginish hemde tetqiq qilish bilen shughullan'ghan.

U shu yillarda Uyghur diyarida ötküzülgen “Yipek yoli sadasi” namliq naxsha musabiqiside Uyghur naxshilirini eynen we wayigha yetküzüp orundap, Uyghurlar arisida “Nazaket” dégen isim bilen tonulghan idi. Elis andérson xanim bügünki künde Uyghur rayonidiki jaza lagérlirini taqash we Uyghur tutqunlarni qutuldurush herikitide muhajirettiki Uyghurlar bilen bir septe turup qattiq inkas qayturuwatqan, özi shexsen guwahliq bérish we bashqa shekiller bilen Uyghurlar duch kéliwatqan bu zulumlargha qarshi turuwatqan gherplik tetqiqatchilarning biri.

Uning radiyomizgha bildürüshiche, u 2018-yili 6-ay mezgilide Uyghur diyarida 2 heptilik qisqa ziyarette bolghan iken. Uyghur diyarining weziyitini dunyagha anglitishni özining burchi dep bilgen elis andéroson xanim öz közi bilen körgen ehwallarni anglighuchilar bilen ortaqlishish qararigha kelgen. Töwende diqqitinglar muxbirimiz méhribanning elis andérson xanim bilen ötküzgen söhbitining 1-qismida bolsun.