Uyghur naxsha-muzika tetqiqatchisi elis andérsonning 2018-yildiki Uyghur diyari ziyariti (4)

Muxbirimiz méhriban
2019-04-11
Élxet
Pikir
Share
Print
Uyghur naxsha-muzika tetqiqatchisi elis andérson Uyghur tetqiqatchi rahile dawut bilen.(Waqti we orni éniq emes)
Uyghur naxsha-muzika tetqiqatchisi elis andérson Uyghur tetqiqatchi rahile dawut bilen.(Waqti we orni éniq emes)
Social Media

Amérikining indi'ana uniwérsitétida muzika we folklor tetqiqati boyiche doktorluq aspirantliqida oquwatqan elis andérson xanim Uyghur diyaridiki jaza lagérlirini taqash herikitide Uyghurlar bilen bir septe turup qattiq inkas qayturuwatqan gherblik tetqiqatchilarning biri. 2012-Yildin 2016-yilghiche ürümchide Uyghur tili we Uyghur naxsha-muzikilirini öginish hemde tetqiq qilish bilen shughullan'ghan elis andrson yene 2012-2013-yillarda ürümchide ötküzülgen "Yipek yoli sadasi" namliq naxsha musabiqiside "Nazaket" dégen Uyghurche isim bilen tonulghan. U radiyomiz ziyaritini qobul qilip, özining 2018-yili 6-ayda Uyghur diyarida élip barghan axirqi qétimliq ziyariti heqqidiki tesiratlirini anglatmaqta.

Elis andérson xanimning bildürüshiche, uning 2018-yili 6-ay mezgilidiki Uyghur diyari ziyaritide uningda eng chongqur tesirat qaldurghan jaylarning biri ikki künlük sayahet pursitige érishken qedimiy yurt qeshqer bolghan.

Elis xanimning bildürüshiche, u ilgiri Uyghur diyarida turghan mezgilide "Uyghur medeniyet merkizi" dep qarilidighan qedimiy sheher qeshqerge birqanche qétim barghan bolsimu, emma uning bu qétimliq ziyaritide qeshqerde körgenliri saqchilar we közitish kaméraliri arqiliq qatmu-qat nazaret astigha élin'ghan ademsiz qeshqer kochiliri bolghan. Héytgah jamesi etrapidiki ilgiri her zaman ademler bilen awat turidighan dukanlarning xéridarsiz chölderep qélishi, taqilip ketken ashxana we kitabxanilar uni heyrette qaldurghan. Bu hal uning köz aldida ilgiri özi körgen qeshqer shehiridin pütünley perqliq bir menzirini namayan qilghan.

Elis xanim bu qétimliq qeshqer sayahitide semen méhmanxanisigha orunlashqiche bolghan ariliqta saqchilarning özi üstidin élip barghan tekshürüshliri heqqide toxtaldi. U özige oxshash chet'ellik sayahetchilerge a'it barliq uchur we pa'aliyetlerning xitay saqchilirining qatmu-qat naraziti astida turidighanliqini bilginide bu zéminda yashawatqan Uyghurlar hayatining qanchilik müshküllükni hés qilip yetken we bir insan bolush süpiti bilen azablan'ghan.

Elis andérson xanim bu qétimqi 15künlük Uyghur diyari ziyaritide musulmanlargha xas salamlishish sözlirini peqet qeshqerdila ikki neper Uyghur moysipitning aghzidin anglashqa muyesser bolghan. Emma bu qétim u bu xil salamlishishni anglighinida shu qeder tasadipiyliq we heyranliq hés qilghan.

Elis xanim 2012-yildin 2016-yilgha qeder Uyghur diyarida turghan mezgilini eslep, eyni chaghda dunyaning bashqa jayliridiki musulman jama'itidin perqliq halda musulmanche salamlishish aditining Uyghur jem'iyitide omumliship ketkenlikini bildürdi. Uning bildürüshiche, u eyni yilliri Uyghurlar arisida bir mezgil yashighandin kéyin özimu tebi'iy haldila Uyghurlarning "Essalamu'eleykum", "We'eleykum essalam" dégen salamlishish sözlirini ishlitishke könüp ketken iken. Kéyinki chaghlarda Uyghurlarning salamlishish sözlirini özining kündilik turmushida eng köp ishlitidighan sözlerning birige aylandurghan iken. Emma u bu qétim Uyghur diyarigha barghanda Uyghurlarning bu sözlerni ishlitishtin shu qeder qorqidighan bolup ketkenlikini körgen. Bu hal uning yürikide menggü untulmas achchiq tuyghularni peyda qilghan.

Yuqiriqi awaz ulinishidin mezkur söhbetning tepsilatini anglighaysiler.

Pikirler (0)
Share
Toluq bet