Xitay wekilliri b d t ning irqiy qirghinchiliq we qosh tilliq ma'arip yighinliridimu Uyghur wekiller bilen tirkeshti

Muxbirimiz erkin tarim
2013-11-29
Élxet
Pikir
Share
Print
B d t ning az sanliq milletler hoquqi yighinida d u q wekilliri. 2013-Yili 27-noyabir, jenwe.
B d t ning az sanliq milletler hoquqi yighinida d u q wekilliri. 2013-Yili 27-noyabir, jenwe.
RFA/Erkin Tarim


27 - Noyabir küni jenwede échilghan irqiy qirghinchiliqning aldini élish toghrisidiki yighin bilen 28 - noyabir künidiki qosh tilliq ma'arip toghrisidiki yighinda xitay wekiller Uyghur wekillerning so'al sorishini tosushqa tirishqan bolsimu, meqsitige yételmidi. B d t ning az sanliq milletler hoquqi yighini axirlashqandin kéyin, xitay ilgirikige oxshashla, dunya Uyghur qurultiyi wekillirining söz qilishigha tosqunluq qilishqa urun'ghan.

Yighin'gha riyasetchiliq qilghuchi mutexessisler xitay elchi wekillirining ularni tosushigha yol qoymighan. Hetta démokratik döletlerning elchiliri we b d t de ishleydighan mutexessisler Uyghurlarni qollap söz qilghan. 27 - Noyabir küni b d t binasida chaqirilghan irqiy qirghinchiliq toghrisidiki yighin'gha 40 mutexessis, 60 etrapida döletning b d t diki wekilliri, Uyghurlargha wakaliten d u q ijra'iye hey'iti mudiri dolqun eysa bilen bayanatchisi alim séyitof qatnashqan. B d t da xitay wekiller Uyghurlarni 4 qétim tosushqa tirishqan bolsimu tosalmighan. Bu pa'aliyet heqqide téximu tepsiliy melumat élish üchün ular bilen söhbet élip barduq.

Uyghur wekillerning éytishiche, xitay d u q ning b d t diki pa'aliyetlerdin qattiq bi'aram iken.

Toluq bet