Доктор аспирант мухтәрҗан: пидакар бағвән һүсән һәсән муәллимни әсләймән

Ихтиярий мухбиримиз һаҗи қутлуқ қадири
2014.11.04
husen-hesen.jpg Пидакар бағвән, шәрқий түркистан дәвасиниң һармас қәһримани һүсән һәсән әпәнди һаят вақтидики сүрити. 2014-Йили мюнхен.
RFA/Qutluq

Муһаҗирәттики уйғур давасиниң һармас төһпикарлиридин бири, дуня уйғур қурултийиниң сабиқ муавин рәиси һүсән һәсән әпәнди 31-өктәбир австралийәниң сйдиней шәһиридә вапат болди.

Мәрһум һүсән һәсән һаят вақтида муһаҗирәттә елип бериливатқан уйғур давасини мәниви вә маддий җәһәтләрдин күчлүк қоллап уйғур давасиниң австралийәдә, җүмлидин дуня миқясида тонулушиға төһпиләрни қошқан. У, дуняниң һәр қайси җайлиридики дөләтләрдә яшаватқан уйғурларниң сиясий паалийәтлиригә актип иштирак қилип, вәтәнгә қайтиш имканийити болмиған уйғур яшлирини австралийәгә йәрләштүрүш вә уларға иқтисадий ярдәм бериштәк есил пәзилити билән чәтәлләрдики кәң уйғур җамаитиниң һөрмитигә еришкән.

Мәрһум 2012-йили 5-айда токйода ечилған дуня уйғур қурултийиниң 4-нөвәтлик қурултийиға қатнишиш җәрянида японийәдики кәң зиялийлар вә оқуғучилар билән көплигән сөһбәтләрдә болуп, японийәдики уйғур җамаити арисида күчлүк тәсир қалдурған.

Биз шу мунасивәт билән, әйни чағда мәрһум һүсән һәсән әпәнди билән көп қетим сөһбәтләрдә биргә болған, японийә кюшу университети пәлсәпә пәнлири факултетиниң оқуғучиси доктор аспирант мухтәрҗан абдурахман билән телефон сөһбити елип бардуқ.

Юқириқи улиништин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.