Uyghur siyasiy zatlirining ilham toxti mesilisi heqqidiki qarashliri

Ixtiyariy muxbirimiz ekrem
2016-01-22
Share
ilham-toxti-leksiye.jpg Musteqil tetqiqatchi ilham toxti léksiye sözleshtin burun. 2010-Yili 12-iyun, béyjing.
AFP

"Xelq'ara kechürüm teshkilati" ning, dunya ilim saheside tonulghan 400 neper kishining xitay re'isi shi jinpinggha ochuq xet yézip, türmidiki Uyghur ziyaliysi ilham toxtini qoyup bérishke chaqirghanliqi heqqidiki xewiri gherb metbu'atlirida keng tarqaldi.

Gérmaniyediki "Kündilik gézit" mu 15-yanwar küni "Ilham toxti üchün étiraz" namliq maqalini élan qilip, dunya jama'itining ilham toxtining erkinliki üchün xitay bilen mujadile qiliwatqanliqini ilgiri sürdi.

Ilham toxti qolgha élinip, muddetsiz qamaq jazasigha mehkum qilin'ghanliqining 2 yilliqi munasiwiti bilen élan qiliniwatqan xewer we analizlarda, xitay hökümitining ilham toxtigha heqsizliq qilghanliqigha a'it pikirler yazmilarning asasiy mezmunini teshkil qildi.

Melumki, Uyghur ziyaliysi ilham toxti 2014-yili 1-ayning 15-küni tutqun qilinip, 23-séntebir ürümchide "Bölgünchilik" jinayiti bilen eyiblinip muddetsiz qamaq jazasigha höküm qilin'ghan idi.

Biz xelq'ara metbu'atlarda birqanche kündin buyan élan qiliniwatqan tutqundiki ilham toxtigha a'it uchurlarni körgendin kéyin, Uyghur siyasiy zatliridin erkin aliptékin ependining bu yazmilargha qarita inkasini bilish istikide uni ziyaret qilduq.

Biz yene xelq'arada ilham toxtigha erkinlik tilesh pa'aliyetliri dawam qiliwatqan bu künlerde d u q ning ilham toxti üchün némilerni qilghanliqini bilish meqsitide, d u q ijra'iye komitéti re'isi dolqun eysa ependining pikirlirini angliduq.

Uyghurlar mesilisi közetküchisi enwerjan ependimu bu heqte ziyaritimizni qobul qilip, ilham toxtini "Saxarof mukapati" gha na'il qilish yolidiki tirishchanliqlarning dawam qiliwatqanliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet