Herbiy mutexessis: bayda gumandarlar arisidiki ana, balilar otchacharda ölgen bolushi mumkin

Muxbirimiz shöhret hoshur
2015-11-26
Élxet
Pikir
Share
Print
Dunya Uyghur qurultiyining qazaqistanda turushluq wekili, ottura asiyadiki tonulghan siyasetshunas qehriman ghujamberdi. 2015-Yili iyun, qazaqistan.
Dunya Uyghur qurultiyining qazaqistanda turushluq wekili, ottura asiyadiki tonulghan siyasetshunas qehriman ghujamberdi. 2015-Yili iyun, qazaqistan.
RFA/Azad

Xitay xelq "Azadliq armiye géziti" bay kömürkan hujumchilirining yoqitilghanliqi heqqidiki xewiride, gumandarlarning otchacharda öltürülgenlikini xewer mawzusida bayan qilghan bolsimu, emma xewerning tepsilatida otchachar qollinilghandin kéyin 10 nechche gumandarning öngkürdin pichaqliq halda étilip chiqqanliqi we ularning étip öltürülgenliki tilgha élin'ghan.

Yeni xewerdin 28 gumandarning 10 nechchisiningla oqta ölgenliki, qalghanlirining bolsa otchachar zerbisidin öngkürde ölgenliki melum.

Bu heqte tehlil yürgüzgen herbiy mutexessis, sabiq sowét ittipaqi armiyisining polkowniki qehriman ghojamberdi ependi, otchachar zerbiside öngkürdin chiqalmay ölgenlerning, gumandarlar arisidiki anilar we balilar ikenliki, öngkürdin qéchip chiqip qarshiliq körsetkenlerning bolsa erler ikenliki perizini otturigha qoydi.

U mulahizisining axirida, otchachar qollinishning xelq'arada cheklen'genlikini eskertip, Uyghur teshkilatlirini xitayning gumandarlargha qarita ijra qilghan bu kolléktip qirghinchiliqi üstidin alaqidar xelq'ara organlargha erz qilishqa dewet qildi.

Yuqiridiki ulinishtin muxbirimizning herbiy mutexessis qehriman ghojamberdi bilen bu heqte ötküzgen söhbitini anglaysiler.

Toluq bet