Musteqil dölet qurushning Uyghurlarning mewjutluqi üchün muhimliqi körsitilgen

Ixtiyariy muxbirimiz pida'iy
2015.06.17
uyghuristan-germaniye-paaliyet.jpg Gérmaniyening myunxén shehiride ötküzülgen “Medeniyet almashturush pa'aliyiti” din körünüsh. 2015-Yili 13-iyun, myunxén.
RFA/Pidaiy


2015 - Yili 13 - we 14 - iyun gérmaniyening myunxén shehiride ötküzülgen “Medeniyet almashturush pa'aliyiti” de Uyghur nami qollinilghan bir musteqil dölet qurushning Uyghurlarning mewjutluqi üchün muhimliqi körsitilgen we xitayning Uyghurlargha mustemlikichilik siyasiti yürgüzüwatqanliqi otturigha qoyulghan.

Pa'aliyet gérmaniyede turushluq türk jem'iyetliri bilen “Uyghuristan azadliq teshkilati” ning hemkarliqida teshkillen'gen.

“Uyghuristan azadliq teshkilati” ning mes'ulliridin osmanjan tursun ependining bildürüshiche, mezkur pa'aliyette Uyghurlarning yémek - ichmek we kiyim - kéchek medeniyetliri, tarixi yaldamilar we neshriyat buyumliri ay - yultuzluq kök bayraqlar bilen bézelgen chédirda yawropaning herqaysi jayliridin kelgen türk we yerlik milletlerning diqqitige sunulghan.

Ikki kün dawam qilghan bu pa'aliyette Uyghurlar duch kéliwatqan milliy we diniy bohranlarning échinishliq kechmishi we xeterlik aqiwetliri tonushturulghan. Pa'aliyetke ishtirak qilghan siyasetshunaslar, zhurnalistlar, tarixchilar, milliy we diniy ixlasmenler Uyghurlarning teqdirige munasiwetlik weqeliklerdin xewerdar bolghan.

Pa'aliyetning tepsilatini gollandiyede turushluq ixtiyariy muxbirimiz pida'iyning “Uyghuristan azadliq teshkilati” ning re'isi osmanjan tursun ependi bilen bu heqte ötküzgen söhbitidin anglighaysizler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.