Илһам маһмут: "ойғанған земин" намлиқ роман япон тилиға тәрҗимә қилинди

Ихтиярий мухбиримиз һаҗи қутлуқ қадири
2015-02-11
Share
ilham-mehmut-muxbir.jpg Японийә уйғур җәмийитиниң рәиси илһам маһмут әпәнди япон тилиға тәрҗимә қилинған "ойғанған земин" намлиқ роман тоғрисиға мухбиримизниң зияритини қобул қилди. 2015-Йили феврал, токйо.
RFA/Qutluq

Японийә уйғур җәмийитиниң рәиси илһам маһмутниң билдүрүшичә, 20-әсир уйғур әдәбиятиниң атақлиқ нәмунилиридин бири йитүк алим, әдиб абдурәһим өткүрниң "ойғанған земин" намлиқ романи йеқинда япон тилиға тәрҗимә қилинған.

Мәзкур романни атақлиқ уйғур тили тәрҗимани реико һагита ханим уйғур тилидин биваситә япон тилиға тәрҗимә қилған.

Әдәбий тәрҗиман реико һагита ханим илгири әдиб абдурәһим өткүрниң "из" намлиқ романини вә шундақла "уйғур он икки муқам текистлири" ни япон тилиға тәрҗимә қилған.

"ойғанған земин" романи 1989-йили уйғур елида нәшр қилинған болуп, романда асаслиқи уйғур хәлқиниң өз мустәқиллиқини қолға кәлтүрүш йолида елип барған күрәшлири тәсвирләнгән. Мәзкур роман әйни йилларда уйғур җәмийитидә күчлүк тәсир пәйда қилғанлиқи сәвәбидин, 2002-йилидин башлап хитай даирилири әсәрни қайта нәшр қилинмайдиған китаблар қатариға киргүзгән.

Мәрһум абдурәһим өткүрниң "из" намлиқ романи японийәдә 2009-йили япон тилиға тәрҗимә қилинип нәшр қилинған. Мәрһум шаир,язғучи абдурәһим өткүр 1923-йили қумулда туғулуп, 1995-йили үрүмчидә вапат болған.

Нөвәттә диққитиңлар, японийә уйғур җәмийитиниң рәиси илһам маһмут билән бу һәқтә елип барған сөһбитимиздә болғай.

Юқириқи аваз улинишидин тәпсилатини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт