Qazaqistandiki Uyghur jama'iti bu yilliq roza héytni weten'ge bolghan ümid-ishenchler bilen qutlidi

Ixtiyariy muxbirimiz oyghan
2019-06-06
Élxet
Pikir
Share
Print
Almuta shehirining Uyghurlar zich olturaqlashqan dostluq mehellisidiki héyt namizidin körünüsh. 2019-Yil 5-iyun, almuta.
Almuta shehirining Uyghurlar zich olturaqlashqan dostluq mehellisidiki héyt namizidin körünüsh. 2019-Yil 5-iyun, almuta.
RFA/Oyghan

Nopus jehettin bir qeder köp bolghan, bir yürüsh ana tildiki mekteplirige, kespiy tiyatirlirigha we metbu'atigha ige bolghan qazaqistanliq Uyghurlar 5-iyun küni bu yilliq roza héyt bayrimini kütüwaldi.

Muhajirettiki Uyghurlar bu yilliq roza héytni Uyghur élide diniy cheklimiler eng kücheygen, bigunah xelq jaza lagérlirigha qamalghan, xitay hökümiti Uyghur we bashqa türkiy xelqlerni millet süpitide yoqitishqa urunuwatqan bir mezgilde kütüwaldi.

Bu küni Uyghurlar zich olturaqlashqan qazaqistanning barliq sheher we yézilardiki meschidlerde héyt namizi oqulup, musulmanlar bir-birini tebrikleshti. Memliketning köpligen metbu'at sehipiliride qazaqistan rehberlirining rozi héyt bayrimi munasiwiti bilen sözligen tebriknamiliri élan qilindi.

"Éhsan" zhurnali tehriratining xadimi sedirdin ayupofning éytishiche, qazaqistanliq Uyghurlar bu yili 30 kün mabaynide xatirjem roza tutush, ibadet qilish mumkinchilikige ige bolghan. Qazaqistan hökümiti teripidin keng da'iride yardemler bérilip, meschidlerde wez-nesihetler éytilghan, ademlerge rozining muhimliqi chüshendürülüp, teshwiqatlar méngip turghan iken.

Sedirdin ayupof bügünki künde Uyghur élide weziyetning intayin jiddiylikini, Uyghur xelqining rozi héytni xitaygha bolghan ünsiz qarshiliq ichide ötküzgenlikini bayan qildi.

Tonulghan yazghuchi abduxaliq mehmudof özining Uyghur élide ötken baliliq dewrini, shuning bilen birge Uyghurlar wetinide ilgiri roza héytning qandaq qutlinidighanliqini eslep ötti.

Uning déyishiche, Uyghurlar kommunist xitay yürgüzgen siyasetler tüpeyli nöwette roza héyt, qurban héytqa oxshash diniy bayramlarni teqib astida ötküzüshke mejbur bolmaqtiken. U yene özining 1963-yili ghuljidin sowét ittipaqining qazaqistan ittipaqdash jumhuriyitige köchüp chiqqanliqini, emma u yillarda sowét ittipaqidiki türkiy xelqlerning Uyghur élidikige oxshash roza héytni tentenilik ötküzgenlikini körüp baqmighanliqini tekitlep ötti.

Toluq bet