Adwokat we pa'aliyetchiler: behrem qatarliq Uyghurlar naheq sotlandi, qirghizistan bu xataliqni tüzitishi kérek

Muxbirimiz erkin
2016-05-23
Share
qirghizistan-abtobus-bulash-weqesi-305.jpg Xitayning tor bétide chiqirilghan xewer. 2003-Yili 28-mart.
www.chinanews.com

Qirghizistan soti 2000‏-yili esqer toxti, behram exmet qatarliq 2 Uyghurni, türk puqrasi exmet gönen bilen nazir churchayéf isimlik kafkaziyelik bir qarachaygha ölüm jazasi bergen. Eli mesum isimlik yene bir Uyghur 20 yilliq qamaq jazasigha höküm qilin'ghan idi.

Qirghizistan soti 1998‏‏-yili qirghizistanning osh shehiride yüz bergen gumanliq bir "Aptobus partlash weqesi"ni bu besheylen'ge artqan. Qirghizistan hökümiti aptobusqa bomba qoyulghanliqini ilgiri sürsimu, emma Uyghur pa'aliyetchiler aptobusning bomba partlap emes, gaz sanduqi partlap ketkenlikini, bu besheylen xitayning bésimida tutqun qilin'ghanliqini ilgiri sürüp kelgen idi.

Gumandarlar aptobus partlash weqesi bilen alaqisi barliqini ret qilghan, qirghizistandiki Uyghur jama'iti sotning qararigha qattiq naraziliq bildürgen bolsimu, emma aliy sot hökümni testiqlighan.

Biraq eyni chaghda, qirghizistan ölüm jazasini ijra qilishni toxtitip qoyghachqa, Uyghur mehbuslirining ölüm jazasi tonglitip qoyulghan. Peqet 2007‏-yili sabiq qirghizistan prézidénti qurbanbék baqiyéfning ölüm jazasini bikar qilishi bilen Uyghur mehbuslarning jazasi muddetsiz qamaq jazasigha özgertilgen idi.

Hazir eli mesum qoyup bérilgen, emma esqer toxti, exmet gönen, behram exmet qatarliq töteylen bishkek shehiridiki bir türmide özlirining muddetsiz qamaq jazasini ötewatidu.

Mehbus behram exmet türme hayati 18‏-yilgha qedem qoyghan mezgilde özining naheq yétiwatqanliqini bildürüp, " Tashqi dunyaning bu naheqchilikke diqqet qilishini, qirghizistan da'irilirining hökümni bikar qilishini ümid qilimen" dédi.

Biz shu munasiwet bilen ularning hazirqi ehwali heqqide qirghizistan Uyghur ittipaq jem'iyitining sabiq re'isi dilmurat ekber hemde behram exmetning adwokati mewlüde jalaliwani ziyaret qilduq.

Yuqiridiki ulinishtin muxbirimiz erkinning bu heqte teyyarlighan programmisining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet