Enqere we istanbuldiki Uyghurlar noruz bayrimi ötküzüp, öz milliy en'enisini namayan qildi

Ixtiyariy muxbirimiz erkin tarim
2019-03-25
Élxet
Pikir
Share
Print
Istanbulda ötküzülgen noruz pa'aliyitide yash ghunchilar nomur körsetmekte.  2019-Yili 23-mart, istanbul.
Istanbulda ötküzülgen noruz pa'aliyitide yash ghunchilar nomur körsetmekte. 2019-Yili 23-mart, istanbul.
RFA/Erkin Tarim

Uyghurlar 3-ayning 23-küni türkiyening enqere shehiride, 24-küni bolsa türkiyening istanbul shehiride pütkül türkiy milletlerning en'eniwi noruz bayrimini qutluqlidi.

Bu pa'aliyetlerge Uyghur ata-anilar perzentlirini élip kélip aktip qatnashqandin sirt yene enqere, istanbul we bu sheherlerge yéqin sheherlerde oquwatqan Uyghur oqughuchilarmu aktip qatnashti. Enqerede chüshtin kéyin sa'et ikkide "Köngüllerde birlik wexpi" ning zalida ötküzülgen pa'aliyette Uyghurlarning en'eniwi noruz bayrimida körsitilidighan sen'et nomurliri, "Samsa yéqish oyini", "Tuxum soqushturush oyini" we "Maharet körsitish pa'aliyiti" ge oxshash nomurlar orundaldi. Pa'aliyetke gazi uniwérsitétida magistirliq unwani üchün oquwatqan mexmutjan riyasetchilik qildi. Yighinda türkiyede shé'ir déklamatsiye qilip dang chiqarghan müjahit qeshqiri "Uyghurum" dégen shé'irni déklamatsiye qilip berdi.

Arqidin Uyghur oqughuchi muhsin "Weten hesriti" mawzuluq shé'irni déklamatsiye qilip berdi.

Enqerede 30 etrapida Uyghur a'ilisi bar bolup, bularning köpi dölet idariliride ishleydu. Bu Uyghurlar bala-chaqilirigha ana tilini, örp we adetlirini, en'eniwi milliy bayramlirini ögitishke alahide ehmiyet bermekte.

24-Mart küni merkizi istanbuldiki Uyghur akadémiyesining uyushturushi bilen istanbuldimu noruz pa'aliyiti ötküzülgen. Istanbuldiki "Türk ojaqliri" teshkilatining yighin zalida ötküzülgen pa'aliyetke istanbuldiki Uyghurlar ishtirak qilghan bolup, Uyghur akadémiyesi mu'awin re'isi doktor meghpiret kamal xanim bilen Uyghur akadémiyesi bash katipi doktor perhat qurban tengritaghli ependi noruzning tarixi, Uyghur medeniyitidiki orni heqqide doklat bergen. Doktor perhat qurban tengritaghli ependi téléfon ziyaritimizni qobul qilip bu heqte toxtaldi.

Bu pa'aliyette Uyghur balilar noruz pa'aliyiti üchün mexsus dolan usuli teyyarlap körsetken.

Toluq bet