Xitayning Uyghur élidiki qattiq basturushi Uyghur teshkilatlirida küchlük inkas peyda qildi

Uyghur éli siyasiy weziyitining bu bir hepte ichide, ilgirikidinmu jiddiy haletke kirgenliki melum. 1-Iyundin bashlap xitay da'iriliri Uyghur élide muqimliq bahaniside, Uyghurlarning normal hayati pa'aliyiti, medeniyiti, étiqadi we pikir erkinlikini chekleydighan yene nurghun yéngi tedbir we belgilimilerni chiqardi we buninggha xilapliq qilghuchilargha qattiq chare köridighanliqini, hetta ularning qanun boyiche éghir jazalinidighanliqini élan qildi.

Xitay hökümitining Uyghur élide téximu qattiq wasitiler bilen Uyghurlarni basturushi, Uyghur teshkilatlarning jiddiy inkasini qozghidi, dunya Uyghur qurultiyi bashliq gherbtiki Uyghur teshkilatliri xitayni “Uyghurlargha élip bériwatqan zorawan basturushlirini qanunlashturushqa urunmaqta” dep eyiblimekte.

Awaz ulinishidin, Uyghur amérika birleshmisi re'isi alim séyitof we mu'awin re'isi ilshat hesen ependilerning inkaslirini anglighaysiz.