«Уйғурниң орни нәдә?» намлиқ китабниң 3-4-томлири түркийидә нәшрдин чиқти

Мухбиримиз әркин тарим
2017-02-19
Елхәт
Пикир
Share
Принт
«Уйғурниң орни нәдә?» намлиқ китабниң 3-томи
«Уйғурниң орни нәдә?» намлиқ китабниң 3-томи
RFA/Erkin Tarim

Тонулған обзорчи сидиқһаҗи рози әпәнди язған «уйғурниң орни нәдә?» намлиқ әсәр истанбул тәклимакан уйғур нәшрияти тәрипидин нәшр қилинди. Бу китаб җәмий 4 томдин тәркиб тапқан болуп, 3-4-томи 2-айниң айниң 17-күни түркийидә рәсмий тарқитилишқа башлиди.

Бу әсәрниң 3-томиниң бешида сидиқ һаҗи розиниң тәрҗимиһали билән дуня уйғур қурултийи рәиси рабийә қадир ханимниң әтраплиқ тәрҗимһалиға орун берилгән. Китабқа тонулған обзорчи сидиқһаҗи рози язған 77 парчә обзор киргүзүлгән. Китаб 257 бәт болуп, мәзкур китабтики мақалиләр апторниң 1999-йилидин 2002-йилиғичә болған арилиқта язған әслимә, уйғурларниң келәчики, хәлқара мунасивәтләр һәққидә тәһлил вә аптор өзи вә уйғур миллий һәрикитиниң йолбашчиси рабийә қадир ханим һәққидә йезилған обзорлар вә сияси мәзмунларни өз ичигә алған мақалилиридин ибарәт.

«Уйғурниң орни нәдә?» намлиқ китабниң 4-томи 260 бәттин тәркиб тапқан болуп, мәзкур китабқа обзорчи сидиқһаҗи розиниң 2002-йилидин 2005-йили 3-айниң 17-күни рабийә қадир ханим түрмидин чиқип вашингитонға берип бала-чақилири билән җәм болғандин кейин елан қилған баянати билән ахирлашқан 107 парчә обзори киргүзүлгән.

Биз китаб һәққидә тәпсилий мәлумат игиләш үчүн китабни нәшр қилған тәклимакан уйғур нәшрияти мәсули абдуҗелил туран әпәнди, истанбул зәйтинбурнудики уйғур китабханисида ишләватқан мәмәт турсун әпәнди вә сидиқһаҗиниң бурунқи әсәрлирини оқуған сабиқ оқутқучи волқан буғра әпәндиләр билән сөһбәт елип бардуқ.

Абдуҗелил туран әпәнди бу әсәрниң қиммити һәққидә тохтилип, 1999-йилидин 2005-йилиғичә уйғурлар вә рабийә қадир ханимни қутқузуш үчүн америкида вә дуняниң һәрқайси җайлирида болған вәқәләргә охшаш мәсилиләр вә билинмигән бәзи мәсилиләрни вә дуня уйғур қурултийи башлиқи рабийә қадир ханимниң түрмигә кириштин бурунқи һаяти һәққидә мәлумат игиси болушни халиғанлар үчүн интайин муһим бир әсәр икәнликини тәкитлиди.

Мәмәт турсун уйғур әпәнди сидиқһаҗи розиниң йеңи чиққан китабини уйғур китабханисида сетишқа башлиғанлиқини, мәзкур китабниң 1-2-томлириниңму сетиливатқанлиқини баян қилди.

«Уйғурниң орни нәдә?» намлиқ китабниң 4-томи
«Уйғурниң орни нәдә?» намлиқ китабниң 4-томи RFA/Erkin Tarim

Илгири уйғур диярида бир мәзгил оқутқучилиқ қилған вә һазир түркийәдә яшаватқан волқан буғра әпәндиму бу китабни оқуғандин кейинки өз тәсиратлирини оттуриға қойди.

Мәмәт турсун әпәнди зәйтинбурнудики сутуқ буғрахан китабханиси тоғрисида мәлумат бәрди.

Җелил туран әпәнди «уйғурниң орни нәдә?» намлиқ әсәрниң 1-2-томлириниң 2010-йилида нәшр қилинип, дуняниң һәрқайси җайлирида тарқитилғанлиқини баян қилди.

Пикирләр (0)
Share
Толуқ бәт