Uyghur pa'aliyetchiler: “‛terbiyilesh merkezliri‚ emeliyette Uyghur rohini ‛terbiyelewatidu‚!”

Muxbirimiz eziz
2018.02.01
Dolqun-Eysa-Omer-qanat-RFA-Ziyaret-2018-Yanwar-01.jpg Bügün radiyomizda söhbetke qatnashqan Uyghur pa'aliyetchilerdin: d u q ning re'isi dolqun eysa (otturida), Uyghur kishilik hoquq qurulushi teshkilatining mudiri ömer qanat (ongda) we amérikidiki Uyghur pa'aliyetchi roshen abbas (solda). 2018-Yili 31-yanwar. Washin'gton, amérika.
RFA
Anglash Awazni köchürüsh

Uyghur diyaridiki herqaysi sheher we nahiyilerde köplep quruluwatqan “Yépiq terbiyilesh merkezliri” kishilerni wehimige séliwatqan hakimmutleq mu'esselerning biridur. Mezkur mu'esselerning ichki qismidiki bezi tepsilatlar radiyomiz muxbirlirining ehwal éniqlashliri jeryanida ayding bolghandin kéyin, xelq'ara axbarat wasitilirining küchlük diqqitini qozghidi. Buning bilen xelq'ara jama'et bu xil merkezlerning san jehettiki köplüki we uninggha soliwélin'ghanlarning mutleq köp qismining Uyghurlar bolushigha asasen “Bu xildiki ‛terbiyilesh merkezliri‚ Uyghurlargha qaritilghan basturush siyasitining muhim terkibiy qismi bolmaqta” dégen chüshenchige kelmekte.

Bu xildiki endishilerning éship bérishigha egiship, muhajirettiki Uyghur teshkilatlirimu xelq'ara jama'etning bu mesilige jiddiy mu'amile qilishini telep qilip keldi. Biz bügün washin'gton shehiride xizmet ziyaritide boluwatqan dunya Uyghur qurultiyining re'isi dolqun eysa, amérikidiki Uyghur kishilik hoquq qurulushining mudiri ömer qanat we pa'aliyetchi roshen abbas xanimni radiyomizgha teklip qilip, mexsus mushu mesile heqqide söhbet ötküzduq. 

Bu qétimqi söhbetning tepsilatini awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.