جاڭ چۈنشيەننىڭ ئۇيغۇرلار ھەققىدىكى بايانلىرى ياپونىيە مەتبۇئاتلىرىنىڭ كۈچلۈك دىققىتىنى قوزغىدى

ئىختىيارىي مۇخبىرىمىز ھاجى قۇتلۇق قادىرى
2015-03-12
Share
kunming-weqesi-zhang-chunshyen.jpg خىتاي قۇرۇلتىيى مەزگىلىدە، مۇخبىرلار ژاڭ چۇنشيەننىڭ كۇنمىڭ ۋەقەسى توغرىسىدىكى ئىنكاسىنى ئېلىش ئۈچۈن سوئال سورىماقتا. 2014-يىلى 6-مارت، بېيجىڭ.
AFP

ئۇيغۇر ئاپتونوم رايونلۇق پارتكوم سېكرېتارى جاڭ چۈنشيەننىڭ 10-مارت بېيجىڭدا ئېچىلىۋاتقان خىتاي خەلق قۇرۇلتىيىدا بەرگەن ئۇيغۇرلار توغرىسىدىكى بايانلىرى ياپونىيە مەتبۇئاتلىرىنىڭ كۈچلۈك دىققىتىنى قوزغىدى.

جاڭ چۈنشيەننىڭ خەلق قۇرۇلتىيىدا بەرگەن تېررورلۇققا قارشى تۇرۇش ھەققىدىكى دوكلاتىدىن كېيىن، ياپونىيەدىكى نوپۇزلۇق مەتبۇئاتلاردىن بىرى بولغان «سەنكىن شىنبۇن گېزىتى»نىڭ بېيجىڭدا تۇرۇشلۇق مۇخبىرى شۇ كۈنى دەرھال بېيجىڭدىن توكيوغا تېلېفون قىلىپ، ياپونىيە ئۇيغۇر جەمئىيىتىنىڭ رەئىسى ئىلھام ماھمۇت بىلەن بۇ ھەقتە سۆھبەت ئېلىپ بارغان ۋە بۇ سۆھبەت خاتىرىسىنى 11-مارت «سەنكىن شىمبۇن گېزىتى»دە ئېلان قىلغان.

11-مارت ياپونىيەدىكى گېزىتلەردىن «ئاساھى شىمبۇن گېزىتى»، «نىككېي گېزىتى» قاتارلىق مەتبۇئاتلار ئۇيغۇر ئاپتونوم رايونلۇق پارتكوم سېكرېتارى جاڭ چۈشيەننىڭ ئۇيغۇر ئېلىدىكى ئۇيغۇرلارنىڭ «ئىراق-شام دۆلىتى تەشكىلاتى»غا قاتنىشىپ، ئىراق ۋە سۈرىيەلەردە ئۇرۇش قىلىۋاتقانلىقىنى بىلدۈرگەنلىكى كۈچلۈك ئىنكاس قوزغىغان.

بىز بۇ مۇناسىۋەت بىلەن، ياپونىيە مەتبۇئاتلىرىنىڭ بۇ ھەقتىكى قاراشلىرى ھەققىدە تەپسىلىي ئۇچۇرلارغا ئىگە بولۇش ئۈچۈن ياپونىيە ئۇيغۇر جەمئىيىتىنىڭ رەئىسى ئىلھام ماھمۇت بىلەن تېلېفون سۆھبىتى ئېلىپ باردۇق.

يۇقىرىقى ئۇلىنىشتىن تەپسىلاتىنى ئاڭلاڭ.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت