Amérikidiki Uyghurlarni qollighuchi erbablarning Uyghur yash aktiplirigha semimiy tewsiyiliri
2015.05.11
Ötken hepte, amérika dölet mejlisi binasida dunya Uyghur qurultiyining yéngi bir nöwetlik yash aktiplirini terbiyilesh kursining échilish murasimi bolup ötken idi.
Dunyaning her qaysi jayliridin yighilghan Uyghur yash aktiplardin bashqa, dunya Uyghur qurultiyining asasliq rehberliri, bir qisim amérika dölet mejlisi ezaliri, yene bir qisim xelq'araliq kishilik hoquq teshkilat wekilliri bolup 100 ge yéqin kishi qatnashqan mezkur yighinning échilish murasimida, Uyghur milliy herikiti rehbiri rabiye qadir xanimning ehmiyetlik tebrik nutqidin bashqa yene, Uyghurlarning teqdirige yéqindin, izchil halda köngül bölüp kéliwatqan, Uyghurlarning chet'ellerde dawam qiliwatqan kishilik hoquq we erkinlik kürishini qollap kéliwatqan bir qisim muhim erbablarning yighin ehlige bergen ehmiyetlik nutuqliri, Uyghur yash aktiplirigha, Uyghur dawasigha qaratqan semimiy tewsiyiliri, Uyghurlargha intayin chongqur tesir qilghan hemde zor ilham bergen idi.
Awaz ulinishidin, mezkur échilish murasimidiki ehmiyetlik nutuqlardin üzündiler anglaysiler.