Uyghur közetküchiler, shi jinpingning "Yerlikke nep yetküzüsh" telimati üstide pikir bayan qildi

Muxbirimiz shöhret hoshur
2016-10-10
Élxet
Pikir
Share
Print
Xitay dölet re'isi shi jinping xitay xelq qurultiyida sözlewatqan körünüshi qurultay zalida ékranda. 2016-Yili 5-mart, béyjing.
Xitay dölet re'isi shi jinping xitay xelq qurultiyida sözlewatqan körünüshi qurultay zalida ékranda. 2016-Yili 5-mart, béyjing.
AFP

Siyasiy közetküchi memet toxti ependi shi jinpingning ebediy eminlik chaqiriqi heqqide muxbirimiz bilen ötken hepte ötküzgen söhbiti dawamida, shi jinpingning yerlikke menpe'et yetküzüsh we tereqqiyattin ortaq behrimen bolush telimati heqqidimu alahide toxtaldi.

U, bu telimatta xitay da'irilirining Uyghur rayonidiki milletler ara tengsiz weziyetni étirap qilish pozitsiyesi mewjutluqini, emma bu weziyetni özgertishtin ibaret niyet we ghayisining yoqluqini otturigha qoydi.

Közetküchi uchqunjan ependi, bu telimatning peqet xelq'ara közetküchilerning tenqidige jawaben hem éghiz tuwaqlash meqsitide tekitlen'genlikini ilgiri sürdi.

Siyasiy közetküchi memet toxti ependi, xitayning mezkur telimatining, bir nuqtidin yerlik xelqlerni aldash yaki éghizini tuwaqlash üchün otturigha qoyulghanliqini bayan qilsa, siyasiy közetküchi uchqunjan ependi, bu témida élxet arqiliq bergen jawabida, xitayning bu telimat arqiliq musteqil tetqiqatchilar we xelq'ara közetküchilerning tenqidlirige jawab qayturuwatqanliqini yaki ularni aldashqa heriket qiliwatqanliqini tekitlidi.

Uning bayan qilishiche, ilgiriki yillargha nisbeten Uyghur rayonidiki iqtisadiy tereqqiyatning chongluqi sir emes؛ emma bu tereqqiyattin zéminning igiliri bolghan Uyghurlarning behrimen bolalmighanliqi, eksiche bu tereqqiyatning qurbani bolghanliqimu xitay terep üchün yoshurush mumkin bolmighan bir ré'alliq. Xitayning soda-sana'et ishlirining éhtiyaji seweblik, Uyghur rayonining tashqi dunyagha barghanséri échilishi, buning üstige rayonda hakimiyetke bolghan qarshiliq heriketlirining toxtawsiz yüz bérishi xitay da'irilirini rayondiki tengsizlikni yuqiriqidek shekilde étirap qilishqa mejburlighan.

Toluq bet