Uyghur diyaridin yawropagha yol alghan poyiz némidin dérek béridu?

Ixtiyariy muxbirimiz el'oghli
2016-05-31
Share
urumchi-germaniye-tomur-poyiz-yol.jpg Ürümchidin gérmaniyege tutashturulghan tömür yolning 2016-yilning aldinqi yérim yilida qatnash bashlishi toghrisida ikki terep imza qoymaqta. 2016-Yili 17-mart, ürümchi.
english.cri.cn diki munasiwetlik maqalidin élin’ghan

Xitay da'iriliri yawropagha qatnashqa bashlighan transport téz poyizining Uyghur diyaridiki karxanilarning mehsulatlirini yawropa bazirigha toshup rayon iqtisadiy tereqqiyatigha töhpe qoshidighanliqini bildürgen bolsimu, emma közetküchiler bu liniyening yerlik Uyghurlargha menpe'et élip kélelmeydighanliqini ilgiri sürdi.

Shinxu'a torining 30-may bergen xewirige qarighanda, 2016-yili 28-may küni sa'et 12 de ürümchidin gérmaniyening du'isburg shehirige baridighan tunji yük poyizi yolgha chiqqan. Alaqidar terepning bildürüshiche, tunji nöwetlik bu yük poyizining omumiy musapisi 8000 kilométir bolup, 10 kün etrapida musapini tamamlaydiken.

Bu poyiz ürümchidin yolgha chiqip, yawro-asiya chong quruqluq köwrükining béshi bolghan alasanku éghizi arqiliq chégradin chiqip, qazaqistan, rusiye, polshalardin ötüp gérmaniyening du'isburg shehirige yétip kélidiken. Bu transport téz poyizi arqiliq, Uyghur diyaridiki karxanilarning mehsulatliridin ximiyilik mehsulatlar, pemidur qiyami, toqulma buyumliri qatarliqlarni yawropa bazirigha toshulup, gérmaniyedin turmush buyumliri we sana'et mehsulatliri yeni yémeklik, saghlamliq mehsulatliri, öy jahazliri we éléktr saymanlirini kirgüzüsh meqset qilin'ghan.

Bu nöwette, xitaydin ottura yawropagha tutashqan musapisi eng qisqa, waqit jehettin eng muwapiq tömüryol transporti bolup, ichkirisidin qatnaydighan oxshash tiptiki poyizgha qarighanda 2000 kilométir musape hem 2-3 kündek waqit tijilip qalidiken. Nöwette Uyghur rayonidin ottura asiya, rusiye we groziyegimu alliqachan transport poyizliri yolgha qoyulup bolghan bolup, türkiyegimu sinaq süpitide qatnashqa bashlighan.

Biz bu munasiwet bilen Uyghur diyaridin yawropagha tutashqan bundaq xelq'araliq transport léniyelirining échilishining, Uyghur diyarigha, Uyghur diyaridiki yerlik milletlerning iqtisadiy, ijtima'iy hayatigha shundaqla milliy karxana we tijaretchilerge körsitidighan tesirliri heqqide gérmaniyede pa'aliyet élip bériwatqan Uyghur siyasiy pa'aliyetchiliridin dunya Uyghur qurultiyi tetqiqat komitétining mes'uli enwer ehmed ependi we dunya Uyghur qurultiyi teshwiqat-neshriyat komitétining mes'uli perhad muhemmidi ependiler bilen söhbet élip barduq.

Yuqiridiki ulinishtin bu söhbetning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet