Түркийә хәлқиниң террорға қарши вәтәнпәрвәрлик паалийәтлири муһаҗирәттики уйғурларға илһам бәрди

Ихтиярий мухбиримиз әкрәм
2015.09.21
enwerjan-yawropa-parlamenti.JPG Д у қ ниң явропа парламентидики вәкили әнвәрҗан әпәнди(оңдин биринчи) йиғинда. 2015-Йили сентәбир, германийә.
RFA/Ekrem

Д у қ ниң явропа парламентидики вәкили әнивәрҗан әпәнди йеқин тарих вә күнимиздики игилик һоқуқ, кишилик һоқуқ күрәшлирини нәзәрдә тутуп, һәрқандақ бир милләтниң өз һәқ-һоқуқлириға еришишниң йеганә йолиниң вәтән үчүн тинимсиз күрәш қилиш икәнликини тәкитлиди.

Йеқинқи күнләрдин бери, түркийә хәлқиниң террорға қарши туруш шоари астида елип бериватқан вәтәнпәрвәрлик паалийәтлири муһаҗирәттики уйғурларниң миллий роһиниң йүксилишигә илһам бәргән. Д у қ ниң явропа парламентидики вәкили әнивәрҗан әпәнди вәтән сөйгүсиниң түркийәдики һәр дин, һәр милләт кишилирини бир пикир астиға җәм қилишидәк көрүнүшләрдин һаяҗанланғанлиқини вә уйғур миллитиниңму бу хил миллий роһтин үлгә елиши зөрүрлүкини тилға алди.

У дуня миқясида елип бериливатқан һәр түрлүк һәқ-һоқуқ күрәшлирини әсләп, бу күрәшләрниң мустәмликә астидики уйғурлар үчүн җанлиқ дәрс икәнликини әскәртти. У йәнә, уйғур илида елип бериливатқан күрәшләргә йүксәк баһа берип, уйғурларниңму башқа милләтләрдәк һөр, хатирҗәм яшиши үчүн өз вәтинигә игә болушиниң алдинқи шәрт икәнликини вә буниң үчүн күрәшлирини давамлаштуруши зөрүрлүкини илгири сүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.