Хитайниң армийини қудрәт тапқузуш пилани вә риқабәт

Мухбиримиз гүлчеһрә
2016-08-01
Share
qeshqer-saqchi-herbiy-uyghur-qarshiliq.jpg Коча чарлаватқан хитай қораллиқ күчлири. 2014-Йили 3-март, қәшқәр.
Imaginechina

Хәвәр мәнбәлиридә көрситилишичә, нөвәттә хитай компартийиси мәркизий комитетиниң баш секретарлиқ, дөләт рәислик вә мәркизий һәрбий ишлар комитетиниң рәисликидәк һоқуқларни йүксәк дәриҗидә мәркәзләштүргән ши җинпиң, дөләт мудапиә вә армийә ислаһатини елип бармақта.

Б б с агентлиқиниң " малийә вақти" гезити мақалисиниң тәһлили асасида йезишичә, ши җинпиң елип бериватқан һәрбий ислаһат хитайниң 1949-йилидин буянқи бир қетимлиқ омумйүзлүк һәрбий ислаһати болуп, армийәниң әң алий қоманданлиқ һоқуқи ши җинпиңниң қолиға мәркәзләшкән. Қурулма җәһәттинму өзгәртиш елип берилип, бурунқи йәттә чоң һәрбий район һазир бәшкә қисқартилған.

Хитай уйғур райониға тәсис қилған шинҗаң һәрбий райониму бу йил февралда хитай азадлиқ армийиси қуруқлуқ қисминиң биваситә башқурушиға өткүзүп берилип, муавин чоң һәрбий районлуқ салаһийәткә еришкән.

Хитайниң " 1-авғуст" армийә байрими күни мунасивити билән оттуриға чиқиватқан хитай мәтбуатлиридики тәшвиқатларда барлиқ офитсер - әскәрләрниң "қорал мениң гепимни аңлайду, мән партийәниң гепини аңлаймән" дегән қәсәмядни иҗра қиливатқанлиқи шәрһиләнмәктә.

Хитайдики бу қетимлиқ һәрбий ислаһатиниң қандақ еһтияҗда мәйданға чиққанлиқи вә униң бу нишани билән риқабәтлик мәсилиләр тоғрисида һазир шиветсийәдә яшайдиған, сиясий анализчилардин бири дилшат ришит әпәнди, түркийәдики истратегийә тәтқиқатчилиридин доктор әркин әкрәм әпәндиләр өз тәһлил вә қарашлирини оттуриға қойди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт